عماد زيادة عن محمد سامي: بيأثر في أي فنان ويطلعه فوق.. فيديو

كشف الفنان عماد زيادة عن تفاصيل مشاركته في مسلسل نعمة الأفوكادو وتكريمه وعلاقتة بالفنان عمرو دياب والفنان محمد سامي .

وقال «زيادة» في تصريحات خاصة لبوابة أخبار اليوم:" سعيد بتكريمي كأفضل ممثل عن فئة المسلسلات ١٥ حلقة عن مسلسل نعمة الأفوكادو فسعيد جدا بعد الشغل والمجهود فالتكريم ده حاجة جميلة بتسعد علي فنان " .

وأضاف: " في نجوم كتير ممثلتش معاهم بس انا راضي عن مشواري الفني وربنا كرمني بالشغل مع محمد سامي لانه بيأثر في أي ممثل وبيطلعه فوق وفي الاول ربنا بيوفق الواحد علي حسب موهبته وشغله ولو فنان ميستاهلش مش هياخد وربنا يكرم الي يستاهل وان الي يتعب ربنا يكرمه علي قد نيته " .

وأضاف عماد : " انا بمثل بقالي ٢٠ سنه وعضو نقابه منتظم وبدايتي في الفن كان سنه ٩٨ مع الزعيم عادل إمام في مسرحيه بودي جارد وفضلت في المسرح ١٢ سنه وبعدين عملت افلام ومسلسلات " .

كما أضاف عن النجوم الذي يتمني العمل معاهم: " النجم عمرو دياب نجم كبير ونفسي أشتغل معاه بس مش نغني وكريم عبد العزيز وأحمد عز وأحمد السقا ونفسي أعمل حاجه ليا " .

إقرأ ايضا: بقبلة على اليد.. يسرا وسعد لمجرد يتصدران التريند

وعقب تكريمه من قِبل وزير الشباب والرياضة الدكتور أشرف صبحي، ألقى "زيادة" كلمة أمام الحضور وجه من خلالها نصيحة للشباب، حيث قال: "كل واحد يجري ورا حلمه ومييأسش وميعتمدش على حد في حياته".


وأكد: "أنا معتمدتش على حد خالص في مهنة التمثيل، قلت هبدأ الطريق من الأول خالص وأعافر لوحدي من غير ما أعتمد على حد حواليا، اعتمدت على ربنا فقط".

فيما أكمل موجها حديثه للشباب: "ابذل مجهود بجد وصدق نفسك، لازم تصدق نفسك وتصدق حلمك، انتوا متوفر لكم عنصر الأمن والأمان، اوعى حد يشكك في وطنك ويحسسك إن مفيش فيه مستقبل، دي كلها حاجات سلبية مينفعش تدخل دماغك".

وأضاف زيادة: "الشاطر يبدأ حلمه بدري ومن وهو لسه في الجامعة وثانوي واعدادي، يشوف عايز يبقى ايه ويبدأ بدري، اللي يبدأ بدري ينجح بدري زي محمد صلاح، كل ما تبدأ بدري حلمك وتصدقه وتخلي ثقتك في ربنا كبيرة".

وتابع: "متخلوش حد يهز ثقتكم في نفسكم ولا في وطنكم، اللي كل الدولة بتشتغل عشانكم بمؤسساتهم بيحاولوا يوفروا الأمن والأمان للدولة المصرية، على رأسها رئيسنا عبد الفتاح السيسي وجيشنا وشرطتنا".