قررت محكمة جنايات مستأنف شمال القاهرة، اليوم الإثنين، إحالة أوراق المتهم بقتل 3 مصريين في دولة قطر لفضيلة مفتي الجمهورية لإبداء الرأي الشرعي في إعدامه للمرة الثانية في جلسة الاستئناف، وحددت جلسة 15 يناير للنطق بالحكم.
أقوال المتهم في تحقيقات النيابة
أدلى المتهم بقتل 3 مصريين في قطر باعترافات تفصيلية حول الحادث، عقب القبض عليه في مطار القاهرة بعد عودته من قطر هاربا من جريمته.
وقال المتهم الذي يدعى تامر. م - يعمل مبلط سيراميك، صاحب 45 عاما من عمره، وارتكب جريمة قتل 3 أحدهم شقيقين والآخر صديقهم داخل شقة في قطر.
وقال المتهم بقتل 3 مصريين في قطر: "أنا سافرت قطر عشان أحضر كأس العالم، قررت إني اشتغل هناك، وفضلت موجود في قطر، وحاولت أدور على أي شغل لكن فشلت، وفضلت قاعد في الشوارع لحد ما قابلني 3 شباب إسمهم عبدالسلام وجمعة وعلي، وعرفوا حكايتي وقالولي إحنا ولاد بلد واحدة وهناخدك معانا الشقة".
وأكد قاتل 3 مصريين في التحقيقات: "أنا قولتلهم مش معايا أي فلوس، ومش لاقي مكان أنام فيه وروحنا الشقة كلنا، وجابولي أكل وبعدين قالولي هنحاول نشوف لك شغل، وساعتها عبد السلام وعلي كانوا بيدورا على شغل عشاني، لكن جمعة كان دايما قلقان مني ومش مرتاح لوجودي وفضلت قاعد معاهم لحد نهاية شهر رمضان".
وأضاف المتهم: "في أخر رمضان بلغوني أنهم مش لاقيين شغل وأني لازم أرجع، وأنهم هيساعدوني في الرجوع وفعلا جمعة راح حجز لي تذكرة سفر للقاهرة، ورجع قالي إن ميعاد السفر رابع أيام عيد الفطر الساعة 6 الصبح، وبعدها خططت أسرق فلوسهم وأهرب".
وأضاف المتهم تامر: "قبل السفر بكام ساعة روحت مسكت آلة حادة وقتلت بيها عبد السلام وأخوه جمعة وهما نايمين، وجمعت كل الفلوس والموبايلات بتاعتهم، وبفتح الباب لقيت علي صاحبهم داخل روحت قتلته هو كمان، وحطيت الجثث في أوضة ونضفت البيت كويس، وخرجت على المطار، وأول ما خرجت من مطار القاهرة أتقبض عليا".
جلسة الاستئناف اليوم على حكم إعدامه
دخل المتهم بقتل 3 مصريين في دولة قطر، في حالة إنهيار بعد صدور قرار بإحالة أوراقه لمفتي الجمهورية للمرة الثانية لإبداء الرأى الشرعي في إعدامه.
قال المتهم من داخل قفص الاتهام: "أنا معملتش حاجة انا مظلوم، محدش سمعني ولا شاف انا اتذليت قد ايه في قطر، سافرت عشان اشتغل، قولوا العدل انا اتظلمت بره بلدي واتذليت في قطر، عندي 4 عيال هيتيتموا وبنتي خطيبها سابها بسببكم".
وتابع المتهم: "أنا معملتش حاجة، ابعدوا عني كفاية اللي انا فيه، أنا في بلدي لو بره كانوا هيعملوا فيا ايه، وهما بيقبضوا عليا في المطار قولتلهم انا اللي قتلت السادات بس سيبوا عيالي ومراتي يمشوا".
الإعدام شنقًا للمتهم بقتل 3 مصريين
جدير بالذكر، قضت محكمة جنايات القاهرة المنعقدة في العباسية، بالإعدام شنقًا للمتهم بقتل 3 مصريين بدولة قطر، وذلك بعد ورود الرأي الشرعي في إعدامه.
أحالت النيابة العامة المتهم «تامر.م»، 43 سنة، مقيم بمحافظة القليوبية، لمحكمة الجنايات المختصة بدائرة محكمة استئناف القاهرة، بعد أن وجهت إليه تهمة القتل العمد، وذلك على خلفية التحقيقات في القضية رقم 20509 لسنة 2023 جنايات النزهة.
تبين أنه في يوم 15-4-2023، بدائرة قسم شرطة الريان بدولة قطر، قتل عمدًا المجني عليهما في أثناء استضافتهما إياه بمحل سكنهما بسلاح أبيض «سكين»، وعاجلهما بطعنات نافذة استقرت بأنحاء متفرقة من جسديهما قاصدًا قتلهما، ما أحدث بهما الإصابات الموصوفة والمادية لتقرير الطب الشرعي المرفق بالتحقيقات، والتي أودت بحياتيهما على النحو المبين بالتحقيقات.
لجنة مصالحات الأزهر تنهي أزمة «حادث أبنوب».. والعائلات تتنازل عن الدم لوجه الله وتقديراً لمبادرة الأزهر
أول تعليق من أسرة «صبري نخنوخ» على اتهامه بالبلطجة في «واقعة التجمع»
إصابة سيدة انهارت عليها شرفة عقار في الإسكندرية
