«عزف القول» قصيدة للشاعر الدكتور محمد ضباشه

كتبت الشعر لعينيكى

وع الخدين حروف بتدور

تجيب الشمس ترقيكي

وتشجيكي بعزف القول

فادوب كلي أنا فيكي

ونبض الشوق يناديكي

تعالي ع الهوى يمي

قمر يروي حروفي البور

واكون شاعر بإحساسك

يهز الصعب ينزل لك

على أرضك كتاب ناسك

وفيه القلب هيدلك

على حبي وصمت حروف

تبات تدن بلا مدنة

فيخرسها أنين الخوف

ويطفي شمعتي فيا

ويبدر دمع فى عينيا

ويحدف صبح ما ليا

يخلى الليل نفس مقتول

وانا المشغول بأحوالك

وانا التايه فى عين بالك

وانا المجبول على حبك

ولو دقت فى راسى طبول

فنجيني وخلى الشمس تلمحني

وتفتح للغناوي باب

على نيلك أغنيها ولو بعتاب

سنين وحدي وانا عازف

على الغربة متين موال

وانا ع الشط مستني

فرج يجي بطاقة نور