مروة صبري تهاجم والدة المطرب مسلم لهذا السبب

انتقدت الإعلامية مروة صبري، والدة المطرب مسلم، بعد ظهورها في مقطع فيديو تحدثت فيه عن تجاهل ابنها لها وعدم تقديمه الدعم المالي، وجاء ذلك خلال تقديم مروة لبرنامجها "قعدة ستات".

وقالت مروة صبري: "هل ينفع إن إنتي تطلعي تفضحي ابنك على كل المواقع هل ينفع أن إنتي تفضحي ابنك اللي هو المفروض مشهور وليه جمهور والناس تعرفه أكتر حاجة بتضايقني فكرة إني أستغل شهرة بني آدم وأطلع أتكلم عنه".

وأضافت: "الكلام دا ممكن يحصل من الغريب أو من أي حد عايز ياخد التريند فيطلع يتكلم عنه مفيش مشكلة، ولكن الأم تطلع تتكلم على ابنها وتتكلم عن تفاصيل وأسرار بينها وبين ابنها دا في حالة أنها صح طيب ما تكلميه في التليفون وتعاتبيه أو تبعتيله رسالة أو ابعتيله ابنك التاني وتقوليله أمك غضبانه عليك أحسن ما كنتي تخلي سيرته على كل لسان أحسن ما كنتي تطلعي ابنك تريند بالمنظر ده".

ويذكر أن، ظهرت والدة مسلم في مقطع فيديو لتشتكى من معاملة ابنها لها وأنه لا يسأل عنها أو يصرف عليها.

وقالت والد مسلم: "أنا جايه أكلمكم عن الفنان مسلم اللي بتحبوه ومفكرينه إنه شايل أهله وناسه، أهله بعيد عنه وأخواته بعيد عنه وأمه ست غلبانة شقيت وتعبت وشحتت عليه وربيته، النهاردة مبيسألش على أمه ولا على أخته ولا على أخوه".

وأضافت حديثها قائلة: "مش بيديني جنيه أمه مبتشفش حته لحمة مبيسألش عليا هو إنسان عاق، ربيته لوحدي لحد ما كبر وبقى نجم كل الل فيه دا هو أنا أنا اللي شقيت وتعبت، مين فيكم يرضى بالكلام دا أنا مريضة وهو مش بيسأل وبعتلي رسالة بيقولي غوري من حياتي".

اقرأ المزيد.. في ذكرى ميلادها.. حقيقة اعتناق ديانا حداد الإسلام وأبرز محطاتها الفنية