كشفت أبلة فاهيتا عن وجهة نظرها الساخرة حول أنواع الرجال والنساء، وذلك خلال استضافتها في برنامج "بيت السعد" الذي يُعرض على قناة MBC1، ويقدمه النجمان أحمد سعد وشقيقه عمرو سعد.
ووصفت أبلة فاهيتا النساء بأسلوبها الفريد قائلة: "الستات أنواعها زي الأفلام، في ست وثائقية، دي اللي بتوثق كل حاجة وبتقول للأعور أنت أعور في عينه، مفيش هزار ولا ضحك، كل شيء بالدليل، وفي نوع تاني اللي هو الرومانتيك كوميدي، اللي بتحب على نفسها طول اليوم، عبيطة وهبلة، تطلع من مشكلة تدخل في مشكلة تانية، لكن كل ده بابتسامة".
اقرأ أيضًا | بمناسبة المولد النبوى ..طارق فؤاد يطرح ألبومه الجديد «ولد الحبيب»
وتابعت فاهيتا: "وفي النوع الأكشن، دي اللي مش بتهدأ، طول اليوم تلعب رياضتين، تطبخ طبختين، وتشتغل في شغلانتين، أما النوع الأخير فهو الرعب، اللي دايمًا انتقامية ومرعبة".
وعن الرجال، تحدثت أبلة فاهيتا بطريقة لا تخلو من الفكاهة قائلة: "في نوع مهيطل اللي بيخون ويتقفش، وفي نوع النمس اللي بيخون ومبيتقفش، والنوع الأخير مزيج بين الاثنين، مرة يتقفش ومرة لأ".
أحمد سعد لم يستطع تمالك نفسه أمام هذه التصنيفات، فرد عليها ضاحكًا: "يعني كل الرجالة خاينين؟"، لترد فاهيتا سريعًا: "وأنت من أي نوع؟"، فأجاب أحمد سعد: "أنا كنت من الثلاثة، مرة أتقفش، ومرة لأ، وحاولت أكون نمس، لكن في الآخر اصطدمت بالواقع."
انطلاق الأسبوع الثالث لفعاليات "شارع الفن" بمثلث الشريفين وسط القاهرة
سلسلة سيمفونيات عظيمة تتواصل على المسرح الكبير بالأوبرا
إجراءات حاسمة من الثقافة بعد واقعة مثيرة للجدل ببيت ثقافة الخانكة
