غداً.. أولى جلسات محاكمة ممرضة ووالدها بتهمة قتل شاب بالمقطم

تعقد محكمة جنايات القاهرة المنعقدة بالتجمع الخامس، غدا الثلاثاء، أولى جلسات محاكمة ممرضة ووالدها لاتهامهم بقتل الشاب رامي بسلاح أبيض في المقطم.

اقرأ أيضا | الحبس سنة لطالب تعدى علي زميله أمام مدرسة في المقطم 

وأحالت جهات التحقيق بالقاهرة، ممرضة ووالدها للمحاكمة الجنائية، لاتهامهما بقتل الشاب رامي بسلاح أبيض في المقطم.

كانت محررة "بوابة أخبار اليوم"، تواصلت مع شقيق المجني عليه رامي الذي تحدث إلينا قائلا: "كان في خلاف قديم من حوالي 10 شهور، بين أخويا وأخو المتهمة، بسبب إن أخويا كان شغال في كافيه عند بيتهم، وأخوها مكنش بيدفع حساب المشاريب وتعدى عليه بالضرب هو وأصحابه، بعدها عملنا محضر ضد إسلام بعدم التعدي على أخويا".

واستكمل شقيق المجني عليه: "أخويا لسه صغير كنت أما بتكلم معاه في موضوع الارتباط، يقولي: (مليش في الكلام ده.. وصاحب بالين كداب لازم أكون نفسي الأول عشان أعرف أتقدم ومترفضش)، ولسه كان بيخلص ورقه عشان يقدم في الجيش، وملحقش يعمل أي حاجة من اللي نفسه فيها".

وتابع شقيق رامي: "أخويا لو كان تحرش فعلا زي ما بيقولوا، مكنتش البنت هي اللي هتطعنه ورجال المنطقة كتير، لكن هي مجهزة نفسها وماشية بالسكينة عشان تطعن أخويا".

وأضاف حسام شقيق المجني عليه: "مكان الجريمة كان في كاميرات وجايبة كل اللي حصل، رامي أخويا كان معاه صاحبه رايحين يجيبوا إشاعة والدي عشان تعبان عنده جلطة، وفي طريقهم والد آية اتخانق مع أخويا وصاحبه ومامت آية شدت رامي من شعره وهو علي موتوسيكل ماشي، وأبوها ضربه علي ظهره بعصا وقع، وطعنته آية بكتر في صدره حتى موته".

وقالت والده المجني عليه رامي وصوتها يكاد يكون اختفي من كثرة العويل: "ابني قبل الواقعة قالي هينزل يروح يجيب الأشعة بتاعت أبويا، وبعديها صحيت علي صوت بيقول رامي مات، مات إزاي وإيه اللي حصل، شوفت ابني وهو مطعون في صدره، ابني معروف من المنطقة بجدعنته وشهامته، لو تعدي على بنت زي ما بيقولوا، اطالب بعمل فحوصات على البنت لإثبات التعدي".

واستكملت وهي تبكي: "طلعتوا عليه سمعة وحشة حتي بعد وفاته، لكن هو هنا معروف في المنطقة ومعروف بأخلاقه الطيبة والجدعنة، وأطالب بحق ابني والقصاص له".

البداية كانت ببلاغ تلقاه قسم شرطة المقطم بوجود جثة لشاب بها طعنة، بالانتقال عثر على جثة شاب بها طعنة نافذة تسبب في الوفاة، بالتحرى تبين أن الضحية تحرش لفظيا بفتاة وعندما تدخل والدها للدفاع عنها تعدى عليه الضحية بالضرب فحاولت الفتاة إنقاذ والدها منه وسددت له طعنة أودت بحياته، ألقى القبض على الفتاة المتهمة وجارى استجوابها واستجواب والدها وسماع شهود العيان حول الواقعة.

وأمرت النيابة بسرعة إعداد تقرير طبى لبيان سبب الوفاة وجمع التحريات حول الواقعة.