ياسمين عز: "الخطوبة مالهاش لازمة".. وهاتوا كريستال بدل الذهب

كشفت الإعلامية ياسمين عز، عن رأيها في فترة الخطوبة قبل الزواج، خلال مقدمة برنامجها "كلام الناس"، المذاع عبر شاشة قناة «MBC مصر».

وقالت ياسمين عز: "إن احتفالية الخطوبة تكلف العروسين الكثير دون داعي، موجهة نصيحة للفتيات بأن يشترين كريستال بديلا للذهب في الشبكة".

وأضافت ياسمين عز: "الخطوبة المفروض تتلغي ونخليه كتب كتاب على طول، الخطوبة ولا ليها أي لازمة، ليه الفشخرة؟ ليه نتبهرج بالذهب؟ ما تجيبوا خاتم كريستال ومحدش هيعرف".

وأشارت ياسمين عز: "اللي هيقولي ما أنتي لابسة ألماظ أنا جايباه لنفسي، نجيب حاجة معقولة واللي مقتدر يجيب، أرفقي بخطيبك، ولكن الأغلبية حالة متوسطة والذهب غالي، والخطوبة مش جواز فيه فرق".

كما تسألت ياسمين عز: "من امتى بنلبس فساتين بيضاء في الأفراح؟، محدش بيلبس فستان أبيض غير العروسة إلا إذا كنتي بتكرهيها وعايزة تنكدي عليها، واللي بيلبسوا أبيض أخوات العريس ودايمًا لازقين فيه وبيقهروا العروسة، ركزي في نفسك ومتحطيش مرات أخوكي في دماغك من أولها دي بديهيات".

واستكملت: "واحدة بتقول لمرات أخوها متهزريش معاه قدامي علشان بزعل، ما تزعلي لو فاضية روحي أتجوزي، هتعيشي كتلة الفراغ في حياتك وهتعيشي الأحزان على الأطلال، أو رتبي هدومك في الدولاب".