باذنجان وفلفل «أفشة» يثيران الجدل على مواقع التواصل الاجتماعي

وجه الدكتور محمد علي فهيم رئيس مركز معلومات تغير المناخ بوزارة الزراعة عدد من التوصيات إلى الكابتن محمد مجدي (أفشة) على صفحة الفيس بوك، وبدأ كلامع ممازحًا جمهور الأهلي، قائلا: "لو سمحتم مش عاوز حد من الأهلاوية يبرر الصورة دي لأنه مينفعش أبداً أبداً كده".

وتسائل الدكتورفهيم قائلا: "إزاي الباذنجان متقزم كده، وكمان واضح تأثيرات الإصابة بالجاسيد والثاقبة الماصة، والأكاروس والحلم مبهدلة الزرع".

ووجه نصائح له:  "حد يقول للكابتن "أفشة" يرش الزرع ده بالاسيتامبريد أو ابامكتين مع لمبادا 5% ... وبعدها بأسبوع يرش محفزات نمو وطحالب وأحماض أمينية وسيتوكينين 4% ويحط مع أقرب رية حامض فولفيك 2 ك للفدان مع 3 ك نترات ماغنسيوم، وكذلك نفس التوصيات للفلفل اللى وراهم ده، ولو محصلشي الكلام ده هضطر أبعت شكوى رسمية لإدارة النادي الأهلى أو إتحاد الكورة ... وهم يتصرفوا بقى"

جدير بالذكر أن اللاعب محمد مجدى الشهير "افشه" قام بتداول عدد من الصور التى تجمعه وعائلته فى أرضهم المنزرعة بمحصولى الباذنجان والفلفل فى جو يسوده الود والمرح، وعندما شاهد الدكتور محمد فهيم هذه الصور، قام بتوجيه عدد من التوصيات إلى اللاعب، بأسلوب الدعابة والفكاهة.