ميس حمدان تكشف عن مواصفات فتى أحلامها

حلت الفنانة ميس حمدان ضيفة على إنجي علي خلال البرنامج الذي تقدمه تحت اسم "أسرار النجوم" عبر "نجوم إف إم "، وتحدثت خلاله عن موقفها من الارتباط خلال الفترة الحالية، ومواصفات فتى أحلامها الذي تتمناه ليكون شريكًا لحياتها.

وقالت ميس حمدان: "فكرة شريك الحياة سبحان الله أحاسيسها متقلبة، أوقات أحس إني مشتاقة للفترة دي، وعايزة أتدلع وأتخانق وأضربه ويشدني من شعري وأهبش فيه، وعايزة حنان وعايزة أتحب ويتقال لي كلام حلو، وأوقات زي دلوقتي عندي تبلد أحاسيس".

وأضافت: "أنا فاتحة الباب، لكن لما تبصي حواليكي قلائل جدا وشبه معدومة نشوف زوجين فعلا مرتاحين".

وردا على سؤال لماذا أصبح عمر الزيجات قصيرا بالمقارنة بفترات سابقة، قالت ميس حمدان: "في أسباب كتيرة، إحنا كأمة بعدنا عن ربنا كتير وأنا منهم، مش متمسكين وعايزين نكتفي بشخص واحد، وثانيا الإغراءات بقت عالية جدا، والسوشيال ميديا خلت مفيش حد راضي باللي عنده وكله عايز أحسن، والنسوان مش سايبة الرجالة في حالها ولا الرجالة سايبينهم، وكل واحد طول الوقت عايز حاجة جديدة تزغزغه".

كما أوضحت ميس حمدان رأيها في معنى الرجولة قائلة: "الرجولة لا تتجزأ، والذكر حاجة والرجولة حاجة مختلفة، إنت عايزة الراجل المحترم الأخلاق اللي بيخاف ربنا، والسند الطموح اللي بيعرف يتصرف وياخد موقف، وأنا عايزة كل ده".

وأشارت ميس حمدان إلى صفة لا تحبها في الرجل قائلة: "أنا بكره الراجل المهزوز اللي لا يعترف بنقاط ضعفه، ومش بيعرف ياخد قرار، الراجل ده بيهبط من نظري هبوط فظيع".

وصرحت الفنانة ميس حمدان، بأنها تنجذب للشخصيات المعقدة وتحب تجسيد هذا النوع من الأدوار على الشاشة، ولو ممكن أجسد شخصية لازم تكون شخصية شائكة مش كل الناس متفقة عليها، زي نوال السعداوي، بغض النظر عن إن ناس كتير مش متفقين مع أفكارها وطريقتها".

واستكملت قائلة: "مع احترامي لكل القامات الكبيرة، مش عايزة أجسد سعاد حسني مثلاً، لأنها محبوبة عند كل الناس، أنا عايزة شخصية جدلية".

اقرأ أيضا|

عمر خيرت ضيف «صاحبة السعادة» في هذا الموعد