دعمت الفنانة الشابة أسما شريف منير، المطربة شيرين عبدالوهاب في أزمتها الأخيرة مع طليقها حسام حبيب، وخلافتها مع شركة روتانا للموسيقى، بسبب أغانيها الجديدة.
ونشرت أسماء مقطع فيديو لها عبر حسابها الشخصي بموقع "انستجرام"، وهي تستمع لـ أغنية شيرين الجديدة "بتمنى أنساك"، وكتبت: "شيرين عبد الوهاب موهوبة بشكل فريد جداً، نفسي الناس تبطل تحكم على البشر اللي زيهم".
وأضافت: "الأخبار اللي بتنزل و الناس تقعد تقول ما كفاية قرفتونا والحاجات دي مش بمزاجها على فكرة، الأخبار دي بتنزل من غير حتى استأذن، أنا بقول كده لأني اكتر واحده حاسه باحساس اني عشان قبلت أكون شخصية عامة، فالكلام عني بقي مباح و الناس بتقول رأيها من غير اي مراعاة لمشاعر اي حد".
وأكملت: "لو افترضنا إن الشخص ده تعبان نفسيًا نروح مكملين عليه بكلام جارح وفضايح و استنتاجات محدش يعلم بيها غير ربنا، لو بس بطلتوا تسمعوا عنها وعن اخبارها وتسمعوها هي، الأغاني باين فيها جداً حزنها و ووجعها، ربنا يعافيها ويعفو عنها وترجع تقف على رجليها أقوى من الأول، و تتعافى وترجع بطاقة أجمد وأحسن من الأول".
وأتمت": "أنا حقيقي بحبها وبحترمها وبحترم مشوارها اللي مش سهل خالص، اللي عملته من بدايتها كان في منتهى الصعوبة، وعشان هي شخص قوي ان شاء الله هترجع اقوى".
يشار إلى أن شيرين عبدالوهاب كانت قد طرحت مؤخرًا ثلاث أغانٍ جديدةً، عبر قناتها على اليوتيوب وكذلك حسابها عبر موقع التدوينات القصيرة إكس، وذلك قبل أن يتم حذف الأغاني من يوتيوب، بسبب خلاف شيرين عبدالوهاب مع شركة روتانا، وهو ما تسبب في حذفها.
اقرأ أيضا | شاهد | أسما شريف منير بإطلالات صيفية في أحدث ظهور
عمرو دياب يتصدر التريند ويدعم منتخب مصر بـ "انت تقدر"
مروان بابلو وليجي سي يستعدان لحفل عالمي ضمن مهرجان «صيف بورتو جولف العلمين»
هيفاء وهبي في حفل غنائي بعمان بعد النجاح الكبير لأغنية «شو المطلوب»
