علاء عوض يكشف أسباب طلاقه من المطربة مها خليل

تحدث الفنان علاء عوض، عن أسباب طلاقه من المطربة مها خليل، قائلاً: « إنه تزوج 4 مرات أخر مرة كانت من 20 سنة، لكن كان زواجه من مها خليل صعبا للغاية».

وأضاف «عوض»، في لقائه ببرنامج «كلام الناس»، المذاع عبر فضائية «ام بي سي مصر»، تقديم الإعلامية ياسمين عز: «مفيش حاجة قفلتني من الجواز، لكن أنا كان حظي وحش مع الزوجة الأولى مها خليل، والدتها كانت رفضاني والأب مكروه من أسرته، لما حصل الحب قررت أتجوزها لكن مامتها رفضت، وبقيت أنا مكروه عند الأم لأني اتجوزت بنتها غصب عنها، وبقيت تعملي أعمال سفلية والشر اشتغل، وبعد سنة زواج قولت لمراتي حرام مش هنعرف نعيش كده في صراع بينك وبيني ومع والدتك، وبعد كده أطلقنا وانكسرت في حبي الأول».

اقرأ أيضاً| في ذكرى ميلاد "سراج منير".. طالب الطب الذي استهوته السينما

وتابع: «أنا اتجوزت بعد كده التانية والتالتة والرابعة في 3 سنين وتبت بعدها، الجواز حاجة جميلة جدًا كل حاجة فيه ليه إيجابيات وسلبيات، لكن أنا عندي 5 بنات من إخواتي للي هما بناتي برضة، وكان عندي فرص كتير اتجوز وأخلف واخترت إني مخلفش، يمكن دلوقتي الوضع بقى كده وأنا مش زعلان منه، أنا اخترت أربي كلاب، الكلب الكبير عجوز عنده 13 سنة والصغير لذيذ، هما دول حياتي كلها وبصرف عليهم 70% من الفلوس اللي بتحصل عليها بس انا مبسوط كده».