كشف الفنان عمرو يوسف، كواليس صفع دينا الشربيني له خلال تصوير فيلم "شقو"، مشيرًا إلى أن المشهد من أصعب المشاهد العمل.
صفع دينا الشربيني لـ عمرو يوسف
وأضاف عمرو يوسف خلال لقائه ببرنامج "الراديو بيضحك" المذاع على الراديو 9090:"لما دينا الشربيني مضت الفيلم جاءت قالت لي مشهد الصفع صعب وأنا مش هضربك بالأقلام قلت لها لا مينفعش لازم تضربيني".
وتابع:"قلت لدينا الشربيني لو قلم واحد ممكن يتسرق إنما التلطيشة والأقلام اللي هتضربهالي مينفعش تتسرق لازم تتشاف وكل لما تتشاف حقيقية كل لما كانت أحسن وأنا قعدت اسخن فيها لحد لما لطشتلي بالأقلام في المشهد".
خوف دينا الشربيني
ولفت عمرو يوسف:"دينا الشربيني كف إيديها صغير وهي كانت خايفة تضربني ولكن مع انفعال المشهد والأداء ضربت الـ3 اقلام مظبوط مرة واحدة وكريم السبكي محتاجش يعيده وفعلا دينا ممثلة كبيرة وشاطرة".
