كشفت الفنانة سلمى أبو ضيف أن حبها للأزياء بدأ منذ طفولتها كون والدها كان تاجرًا للأقمشة.
وقالت سلمى أبو ضيف خلال تصريحات تلفزيونية: "أنا طول عمري بحب اللبس وفاكرة زمان بابا كان بينزل يشتري معايا اللبس، بابا كان بيشتغل في الأقمشة كان تاجر قماش، كان دايما يشوف الخامة فعندي خلفية، كنت أروح المحل عنده زمان في الأزهر أشوف الأقمشة وأعيش وسط القماش".
وتابعت سلمى أبو ضيف: "ممكن أكون اتأثرت ببابا كان عنده عدسة يشوف بيها القماش، ولما كنا بننزل نشتري اللبس كان يقولي إيه "الهلاهيل" اللي بتجيبيها وفي حاجات يقولي هتلبسيها وهتفضل عندك في الدولاب، واتعلمت أن الجودة أهم من حاجات ممكن نشتريها وتترمي".
وأوضحت سلمى أبو ضيف إنها عندما تظهر بمجوهرات في حفل ما تكون تعرضها وليست تمتلكها كاشفة عن أغلى شيء ارتدته: "أغلى حاجة لبستها أظن كان في مهرجان كان، عقد كبير كان تحفة ألماظ كله لونه أخضر، باخده لفه وبياخدوه مني.
اقرأ أيضًا| سلمى أبو ضيف تتزوج خوفاً من والدها في «أعلى نسبة مشاهدة»
