وجه مطرب المهرجانات عصام صاصا رسالة إلى جمهوره بعد الإفراج عنه في واقعة حادث دائري المنيب، عبر حسابه الرسمي بموقع التواصل الاجتماعي "فيس بوك".
وكانت كشفت تحريات الأجهزة الأمنية بالجيزة، بإشراف اللواء محمد الشرقاوي مدير الإدارة العامة لمباحث الجيزة، الملابسات الكاملة، لاتهام مطرب المهرجانات عصام صاصا بدهس شاب أعلى الطريق الدائري بالطالبية.
وأكدت تحقيقات النيابة العامة أن "عصام صاصا"، كان يقود السيارة بسرعة ما بين 70 لـ 80 كم/س وأنه جار الوقوف من الإدارة العامة للمرور على سرعة الطريق المقررة ومراجعة كاميرات المراقبة للوقوف على سرعة السيارة.
ونشر مطرب المهرجانات عصام صاصا رسالة لجمهوره موضحا فيها موقفة الأخير قائلا:"كل اللي بيحبوني واللي مبيحبونيش واللي شمتانين فيا يركزوا في الكلام ده ..طبعا الحمدلله على كل حال وكل اللي يجيبه ربنا خير ، بس ليه الناس شايفاني وحش ؟".
وتابع :"ربنا اللي يعلم انا الموضوع ده مأثر فيا قد ايه ويارب ما حد يتحط في ربع الموقف اللي انا فيه ".
واستكمل :"ربنا يرحم الراجل اللي أنا شايل ذنبه وشكله مبيفارقش عيني من ساعة اللي حصل ويصبر اهله".
واختتم صاصا:"بس في حاجات محدش يعرفها لازم اطلع اوضحها بس انا مش قادر أحكي حاجه دلوقتي من التعب اللي أنا فيه".
حودة بندق يدافع عن عصام صاصا
ودافع مؤدي المهرجانات حودة بندق، عن صديقه عصام صاصا المتهم في دهس شخص أعلى دائري المنيب.
وقال حودة بندق عبر حسابه الشخصي بموقع التواصل الاجتماعي " فيس بوك"، إن عصام صاصا لم يهرب وقت الحادث، وطالب مواقع التواصل الاجتماعي ومحبي التريند بالتوقف عن كتابة أشياء غير صحيحة عنه.
