وجه كزبرة رسالة للنجم محمد إمام، عبر حسابه الرسمي بموقع الصور والفيديو "إنستجرام".
ونشر كزبرة فيديو لمجموعة مشاهد تجمعة بالنجم محمد إمام في أحدث أعماله الدرامية، «كوبرا» الذي حقق نجاحًا جماهيريًا ضمن سباق موسم رمضان 2024، وعلق كزبرة علي الفيديو قائلًا:" الفيديو ده ملقتش أحسن منه عشان أودع قصة سيكا مع كوبرا، بس اللي انا عايز أقوله "أن ده مش مجرد مسلسل وانتهى ".
وتابع :" أنا بجد عمري ما هنسى المسلسل ده والسبب هو محمد إمام، أنا بجد حابب أقولك من كل قلبي أنا كسبت أخ كبير وفنان صادق وزعيم ابن زعيم ".
وأستكمل :" أنا كسبت أخ كبير وفنان صادق وزعيم ابن زعيم وبشكرك علي كل حاجة عملتها معايا
وبشكرك علي روحك الحلوة، وانا بجد مبسوط إني اشتغلت معاك، وانا بجد كسبت اخ كبير اتعلمت منك حاجات كتير وعمري ما هنسى رحلتي معاك ".
واختتم :" بجد أنت تستاهل كل خير ومهما اتكلم مش هعرف أوصف جدعنتك وبجد أنا بشكرك من كل قلبي وبحمد ربنا اني اشتغلت مع إنسان نضيف زيك، وثانيا أنا بشكر المخرج الكبير أحمد شفيق، علي كل حاجة انت عملتها معايا وشرف كبير ليا الشغل مع حضرتك ، بجد كسبت اخوات واتعلمت منكم الكتير وشرف كبير ليا الشغل معاكم واخير انا بشكر الجمهور واتمني تكونوا اتبسطوا ويارب دايما ابقي عند حسن ظنكم ".
تفاصيل مسلسل «كوبرا»
مسلسل «كوبرا» والذي تم عرضه ضمن مسلسلات النصف الثاني من دراما رمضان 2024 من بطولة محمد إمام ومحمود عبد المغني ومجدي كامل وكزبرة وأوس أوس ومحمد ثروت من إخراج أحمد شفيق.
