عبر الفنان أحمد بحر «كزبرة» عن سعادته بنجاح شخصيته «سيكا» والتي قدمها في أولى مشاركاته التمثيلية الدرامية مسلسل «كوبرا» موضحا أن السبب في نجاح دوره هو الفنان محمد إمام والذي قدم له الدعم والمساندة في ثاني تجاربه في التمثيل بعد مشاركته في فيلم «الحريفة».
ونشر كزبرة عبر صفحته الشخصية على انستجرام فيديو يضم لقطات جمعته بالفنان محمد إمام ضمن أحداث المسلسل وعلق قائلا :«الفيديو ده ملقتش أحسن منه عشان أودع قصة سيكا مع كوبرا.. بس اللي أنا عايز أقوله إن ده مش مجرد مسلسل وانتهى».
وتابع قائلا :«أنا بجد عمري ما هنسى المسلسل ده والسبب في ده هو محمد إمام.. أنا بجد حابب أقولك من كل قلبي أنا كسبت أخ كبير وفنان صادق وزعيم ابن زعيم وبشكرك علي كل حاجة عملتها معايا و بشكرك علي روحك الحلوة».
واستكمل :«وانا بجد مبسوط اني اشتغلت معاك وانا بجد كسبت اخ كبير اتعلمت منك حاجات كتير وعمري ما هنسى رحلتي معاك وبجد انت تستاهل كل خير ومهما اتكلم مش هعرف اوصف جدعنتك وبجد انا بشكرك ياخويا من كل قلبي وبحمد ربنا اني اشتغلت مع انسان نضيف زيك».
إقرأ ايضا: « 6 ضيوف شرف» خطفوا الأضواء بموسم دراما رمضان 2024
واختتم كزبرة رسالته قائلا :«وثانيا أنا بشكر المخرج الكبير الاستاذ احمد شفيق على كل حاجة انت عملتها معايا وشرف كبير ليا الشغل مع حضرتك وطبعا بشكر كل اخواتي صناع المسلسل انا بجد كسبت اخوات واتعلمت منكم الكتير وشرف كبير ليا الشغل معاكم».
وأضاف :«واخير انا بشكر الجمهور واتمني تكونوا اتبسطوا ويارب دايما ابقي عند حسن ظنكم».
يذكر أن مسلسل «كوبرا» والذي تم عرضه ضمن مسلسلات النصف الثاني من دراما رمضان 2024 من بطولة محمد إمام ومحمود عبد المغني ومجدي كامل وكزبرة وأوس أوس ومحمد ثروت من إخراج أحمد شفيق.
