كشفت المخرجة إيناس الدغيدي عن أسرار وكواليس حياتها الفنية والشخصية خلال لقائها في برنامج «أسرار» مع أميرة بدر موضحة رأيها في عدد من النجوم والنجمات وتعرضها من قبل للاغتيال وسبب ابتعادها عن الإخراج لـ 14 سنة.
وأكدت إيناس الدغيدي أن الفنانات تمكنوا من دخول مجال الفن بسبب جمالهن ومنهن ياسمين صبري قائلة :« كل الفنانات دخلوا المجال علشان جميلات.. نجلاء فتحي دخلت علشان جميلة وميرفت أمين وياسمين صبري دخلت علشان جميلة .. أنا بحبها .. لكن كممثلة عايزة تتطور ومحتاجة مخرجين يساعدوها».
وعن أسباب ابتعادها عن الإخراج لأكثر من 14 عام أوضحت إيناس الدغيدي أن السبب في ذلك هو التزمت الفكري قائلة :«حصل تزمت فكري في مصر وده سبب ابتعادي 14 سنة.. في فترة الثورة والمشاكل اللي حصلت دي الناس مكانوش عايزين واحدة زي إيناس الدغيدي تتكلم».
وتابعت كاشفة عن مشروعاتها المؤجلة قائلة :«عندي مشروع "الصمت" بقاله أكتر من 8 سنين وعندي مشروع المسلسل اللي كنت هعمله «عصر الحريم» بقاله أكتر من 8 سنين كتابهم وجاهزين».
إقرأ ايضا: 5 أفلام تنافس على إيرادات عيد الفطر
وكشفت إيناس الدغيدي عن وضع اسمها على قوائم الاغتيالات قائلة :«لما الإخوان مسكوا أول حاجة فكرت فيها أني آلاقي مكان آخر ليا.. واتحطيت على قوائم الاغتيال من جماعة اسمها الوعد منبثقة من جماعة الإخوان والله يرحمه وائل الإبراشي جابلي 40 صفحة عن الجماعة دي كانوا حاطين رقم واحد حسني مبارك واتنين شيخ الأزهر وتلاتة أنا عشان بنشر الفسق والفجور».
واستكملت قائلة :«مرة حطوا ليا في الجراج صورة السادات وعليها سلاح وكاتبين عليها المصير يعني مصيري هيبقى كده وسألت بتوع الجراج مين اللي حطها قالولي منعرفش وجوزي قالي بلغي البوليس قلت له يمكن واحد أهبل مش عاجبه أفلامي ومرة راجعة بالليل لقيت ملثمين دخلوا ورايا الجراج بموتوسيكل أنا خوفت ومطلعتش من العربية».
وعن كواليس فيلمها «كلام الليل» واختيارها لأحمد عز وسبب رفضها ليه في البداية قالت :«اخترت أحمد عز من كاست وكان موديل إعلانات ورفضته في الأول عشان مكنش مناسب سنا عشان كان أصغر من يسرا ومش هينفع».
وأضافت :«الفيلم كان فيه بوسة ويسرا جات قالتلي مين الراجل اللي هيبوسني قلتلها جايبالك واحد كويس عشان مش عايزة تتباس من أي حد لما شافته قالتلي هو ده اللي اخترتيه طب أنتي بصيتي على سنانه مش هينفع أبوسه عشان سنانه كلها سودة وبعدها أختارت أحمد عز».
