كشفت الفنانة جميلة عزيز، عن تخلي خطيبها عنها أثناء فترة مرضها، مؤكدة أنها تعلمت من التجربة وراضية تمامًا عن نصيبها.
وقالت جميلة عزيز، في لقائها مع الإعلامية إنجي هشام، في برنامج "المنسي" المذاع عبر شاشة قناة "هي": "خطيبي تخلى عني ومسألش عليا فترة مرضي، لقيته أختفى وسافر ومبقاش له وجود خالص في حياتي، ودي من الحاجات اللي أثرت فيا نفسيًا جدًا، أنا مريت بحاجات صعبة جدًا في فترة تعبي، كأن ربنا كان عايز ينور بصيرتي أن ده شخص وحش، ويمكن المرض ده جالي علشان أبعد عن أشخاص معينة وأفوق لأني كنت مرتبطة بيهم جدًا".
وتابعت: اتخطبنا حوالي 3 سنين، وشوية شوية كان بيختفي، لدرجة أني كنت تعبانة جدًا ومردش عليا، وهو مكنش يعرف عني أي حاجة أنا حية ولا ميتة لغاية دلوقتي، ولغاية دلوقتي محاولش يعرف عني حاجة، وكان بيقولي أنا مش هبعد عنك إلا لو موت، لو كان هو حصله كده كنت انا عملت كده؟ استحالة أنا عندي أصل، ده لو مربية قطة في البيت وتعبت مش هترميها في الشارع وهتعالجيها، منه لله وربنا يسامحه.
تفاصيل برنامج «المنسي»
برنامج «المنسي»، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
