المذيع صدى الزمن
الاربعاء •وقفة عرفات -9ذى الحجة 1393-
2 يناير 1974
تبة مريم جنوب الاسماعيلية
••
(الصوت مكان مفتوح أعلى ربوة و رياح شتويه )
ضابط المدفعية -ها أتجنن يا أفندم ..هات لى أمر الضرب ••أفش غلى شويه فى أولادال••
قائد الموقع -ها ييجى فى ميعاده
ضابط المدفعية –زهقت
القائد - أنت مستمر فى عملك ?!
الضابط - السبورة قدامى على طول
ومسجل كل احداثيات مواقعهم
القائد - المهم الزوايا سليمه
الضابط - بأحدثها أول بأول
القائد - ضرباتنا تبقى صحيحه وما نستهلكش ذخيرة
الضابط - واعلمهم الادب
القائد - انشاء الله
الضابط- أمتى بقى?!
- قول يا رب
- يا رب
••
- ( تهليل ترحاب )
- أهلا اهلا اهلا يا شيخ داوود
صوت - حد يطلع (تبة مريم )اليومين دول?!
- مالهم اليومين دول?!
صوت - طوارئ وقلقل و نشتبك فى لحظه
- وأنتم أجدع منى ?!
و النهاردة الجمعه (28ديسمبر 1973)أصلى جماعه
و أقعد للعيد الكبير ••فاضل كام يوم
صوت -لالالا كفايه عليك صلاة الجمعه!
- الرجاله واحشنى وسيبها لله
(صوت صلاة جماعية )
••
صوت - أنزل الخندق يا شيخ ••شكلهم ها يضربوا
- ضربه فى قلبهم
- ( قصف مدفعى شديد )
(سكون مغلول - رياح )
ضابط المدفعية - 70 شهيد يا كلاب
والله لا أعلمكم الادب بس تجينى الاوامر
••
- (صوت الشيخ أبو داوود )
- الشهداء يندفنوا بدون تغسيل وبملابسهم
إن الله مع الصابرين
( هدوء ليلى وصوات ريح وطيور وأمواج بعيده )
- فاكرهم يا شيخ داوود
- بالفرد ••أنا لبست الأ فرول الميرى واتدربت معاهم مشينا جبال ونطيت بالبراشوت وصحبتهم عمليات خلف خطوط العدو ••أنساهم ازاى
الصحبه الحلوة ••الأكل فى معون واحد ••حياتهم أسرارهم ••حواديتهم ••شقاوتهم خفة دمهم ••مشاكلهم ••أنا أعرف أسماء أولاد المتجوزين
•• وحبيبات العشاق.. الله يرحمهم ويصبرنا
••
صوت - كام سنه يا مولانا?!
- من 67 بعد النكسه والجيش قرر واعظ فى كل وحدة وأنتم قرب بلبيس بلدى أخترت سلاح المظلات
صوت - طول خدمتك واحد مننا .عمرك ما أمتنعت عن حاجه بنعملها
- أمال أحس بيكوا ازاى ••وانا شباب زيكم
ومش لأنى أزهر ى أبقى ما أعرفش الحرب
صوت - أيام يا مولانا ••ونعود بعد النصر لموقعنا
ونعيد اللى كان
- إنشاء الله
••
- خد بالك رغم مصاعبكم ••كل الناس فرحانه بيكم
صوت - دفعنا الثمن غالى
- تتمسكوا (بتبة مريم) وتمنعوهم عن الاسماعيلية وبورسعيد وتوقفوا ثغرة الدفرسوار شمالا حدوته جامده
صوت - لسا ما شافوش العين الحمرا
- ما رديتوش على الضرب ليه
صوت - الاوامر !!
- ان الله مع الصابرين
••
- ( صدى صوت أعلى الربوة لمجموعة ضباط)
صوت - شايف يا افندم
ضابط المدفعية - ( مغلول )براحتهم !!
صوت - منزلين ضباطهم أجازات
طبعا ضربونا ضربه جامده وما رديناش!!
ضابط المدفعية - قالوا ما فيش منا خطر!!
صوت - ويفسحوا ضباطهم مع المجندات
والدلع يا ولاد ال
••
- ( لاسلكى وأشارات وحركة نشطه)
- الاوامر وصلت
ضابط المدفعية - جاهز
القائد - أصبر•• ساعة الصفر لسا ما جتش بيها الاوامر
- يا دى الصبر
القائد - مدفعيتك جاهزه
الضابط - نار.. بس ادينى الامر
••
- ( أصوات اشارات واستدعاء لضابط المدفعية )
- فى الساعه خمسة الا خمس دقائق ••
مع غروب الشمس
- أحنا ها نغنى يا أفندم
- ها نغنى بضربهم
القائد - الدنيا ها تبقى عتمه أحنا فى ديسمبر
والليل بيدخل بدرى
- ورينا شطارتك
••
- ( هدير مدفعية )
- الله اكبر
- شايف يا افندم
- عارف
- الأوامر حددت مواقع الضرب
- عارف
- بدأنا بتشوينات الوقود والذخيرة
القائد - الدنيا منوره لك أهى وشايف كل حاجه
وموقعنا أصبح كحل ••ومش شايفنا ••فهمت?!
- فهمت
- أضرب باقى المواقع
••
- ( هرولة اقدام وتحية عسكرية مع أنفاس لاهثه )
جندى - أمسك المنظار يا أفندم وشوف
- خير?!
الجندى - أتوبيسات الاجازات بتاعتهم وصلت
أمام مسجد (قرية أبو عطوه )مع أول القصف
القائد - المدفعية تضربهم
ضابط - ولاد اللئيمه دخلوا الجامع
عارفين اننا مش ها نضربهم فيه!!
- والحل ?!
••
القائد يزعق
- يا شيخ أبو داوود 70 ضابط اسرائيلى
فى تبادل الاجازات
استخبوار فى الجامع•• وسايبين لنا الاتوبسيسات
الشيخ أبو داوود - يا أفندم ••الرسول قال
(لو العدو تحصن بالكعبه هدوا الكعبه)
القائد - سامع يا سيادة العقيد ••أدى راى الدين
- يسلم بقك يا شيخ داوود
••أضبط الاحداثيات على جامع( أبو عطوة)
( صوت هدير مدفعية )
••
هدوء وجلسة رفاق
- الحمد لله•• أخدنا ثار رجالتنا
- ودمرنا لهم كل الموقع
- وبهدلناهم الضباط
- فاكرين ها يضحكوا علينا?!
ضابط المدفعية - سبحان الله يا شيخ داوود
ربنا ساقك لنا علشان اليوم ده
لولا رأيك مش عارف كنت ها أعمل ايه!!
- ربك بيسبب الاسباب
••
- ( اصوات انتباه وحركة دخول ضيوف )
قائد الجيش – مبروك يا رجاله ••طول عمركم سدادين
قائد الموقع - واجبنا يا أفندم
- انتم عارفين قتلتوا كام ضابط
- يا رب كلهم
قائد الجيش- 70 ضابط فى الجامع . غير اللى فى الموقع
وخسائرهم فى الوقود والاسلحة والمواد الغذائية
-الحمد لله
••
قائد الجيش :اسمعوا•• ضابط الطوارئ الدولية
معاه رساله شفوية من قائد الموقع الاسرائيلى
ضابط البوليس الدولى: (سيدى القائد ••
إن قائد الموقع الاسرائيلى ••أرسل معى رسالة بالاعتذار عما بدر منه من قصفات سابقه ••وقال لى بالنص
••قل للقائد المصرى أننا لن نفعلها ثانية !!)
••
خندق القائد
- ( صوت الشيخ أبو داوود منفعلا )
- أعتذار أو مش أعتذار أنا ها اخلى ركبهم تسيب ويجيلهم إسهال ••بأمر الله
- ازاى ?!
- مش بعد ساعات يبدأ فجر عيد الاضحى
- تمام
- سيادتك تأمر كل وحده ••تعلق ميكرفونها
على السلك الفاصل بين قواتنا وقواتهم فى الثغرة
- تمام
- أنا والعساكر ••بعد صلاة الفجر •• نبدأ تكبيرات العيد وها تشوف إن ما خليتهم يضربوا أخماس فى أسداس وما يعرفوش ها نعمل فيهم أيه ؟!
وقول الشيخ أبو داوود قال
(بأنفعال ) لا ما قلش !! ده نفذ ••
وها تشوف رعبهم بإذن الله
- ( الله اكبر الله اكبر - لا الاه الا الله - صدق وعدة واعز جنده وهزم الاحزاب وحده )
••
- ( صوت زقزقة عصافير )
حلقة أذاعية
محمد علي السيد يكتب: الشيخ أبو داوود
