كشفت الفنانة انغام عن موقفها من إعادة تجربة التمثيل مرة ثانية بعد أن قدمت مسلسل «في غمضة عين» عام 2013 مع داليا البحيري مشيرة إلى أنها تكتفي بالتمثيل في كليبات أغانيها.
وأوضحت قائلة :«بمثل في الأغاني الكليبات بس فكرة التمثيل مش موجودة أوي.. أنا جربت قبل كده بس دلوقتي فكرة الكتابة مش موجودة».
واضافت خلال استضافتها في بودكاست «بيج تايم» مع عمرو أديب وأصالة :«أنا معرفش أروح لكاتب عشان يألفلي دور أو مسلسل.. تامر حبيب من أعز أصدقائي لكن مش هقوله تعالى أكتبلي فيلم.. مش هعمل كده».
إقرأ ايضا: أنغام عن خلافها مع أصالة: «غدرت بيا ومكنتش متخيلة منها الخبطة دي»
وتابعت :«بس ممكن أقعد مع شاعر أقوله يكتبلي أغنية.. لأن التمثيل مش الحتة بتاعتي.. أنا بعرف أمثل لكن مش نبيلة عبيد.. أنا محتاجة حد يشوفني في دور محدد وده لو محصلش أنا مش هعمله».
وعن إمكانية تقديم فيلم غنائي يجمعها بأصالة قالت انغام :«ممكن» وعقبت أصالة :«نفسي تكون مسرحية غنائية مش فيلم.. ده من أحلامي».
وعلقت أنغام على سؤال من يكتب اسمه الأول :«أحنا نظهر بس على المسرح مش محتاج يتكتب أسامينا».
