صوت المذيع صدى الزمن
فجر السبت 10 رمضان 1393-10اكتوبر 1973
••
الشيخ طوبار في تهليل الفجر
الزوجة : ما أتسحرتش كويس يا عوض يومك طويل.
عوض :أجيب ختم الوحدة وأحصلكم علي الأفطار
إنشاء الله..
الزوجة: اللى صبرنا 3 سنين ••نصبر وتروح بعد رمضان
عوض: لسا هاستني عشرين يوم، غير العيد.
نخلص ورزق العيال
الزوجة: أنت زمايلك اللى وحشوك !!
عوض: كل اللي هناك وحشنى.. حتى سلاحي
الزوجة : 3 سنين.. لا شفته ولا أتدربت عليه
من يوم الكشف الطبي ما قال عينك غير لائق.
عوض:باتدرب بقلبي وعقلي.. كل زميل في أجازة
اسمع منه الجديد.
الزوجة: يعني لو ركبت عربية الصواريخ، تعرف تصطاد دبابات ذي أيام حرب الاستنزاف..
عوض: أنا بانشن بعيني واحساسي ..وحاجة من عند ربنا
العقيد بهنس بيقول موهوب
الزوجة: حبيبك هاتشوفه أكيد ••النبي تبلغه سلامى والاولاد من سيرته معاك
برضه ما نسيتش النياشين.. و علي صدرك?!
عوض: ده فخري أولادي.. كل نيشان بدبابة.. 61 واحد علقهم علي صدري اللواء عبدالمنعم خليل
قائد الجيشالثاني
الزوجة :والنبى عارفاك ماهاتصدقتروح
عوض: أدعي لنا بالخير..
(صوت باب شقة يغلق)
••
(صوت شباك.. يفتح..)
صوت :عوض راح برضه.?!
الزوجة : وهوه حد يقدر على دماغه !
صوت; أيه اللي موديه دلوقتي.
الزوجة : جمعية المحاربين القدماء.. بتعمل بطاقة تموين، قالوا عاوزين ختم الوحدة
صوت; وها يدخل الوحدة إزاي.. وهوه لابس ملكي.
الزوجة : بيعرف يتصرف..
وربنايسهله الطريق كله عربيات ميري ••ربنا يهدي له ولاد الحلال يوصلوه
••
صوت : يلا أفتحى الدكان .. الناس هاتعوز تحويجة الكحك والسمن
ما هو رمضان 3 عشرات.. عشرة للأكل وأهي خلصت، والثانية كعك والثالثة لهدوم العيد..
2
حركة عربات .. وأصوات وأوامر:
صوت:رايح فين ياملكي؟
عوض: ملكي ?! أنا في الوحدة دي
من أيام ما أنت كنت في المدرسة.
صوت:أنت هاتتريق..أقف مكانك.
اللى مصبرنى عليك النياشين اللى على صدرك !!
عوض: ماأقصدش••هوه فيه أيه؟
صوت :طوارئ ••طوارىء قصوى
عوض: أختم ختم الوحدة وأسيبك لشغلك.
صوت:ماحدش فاضي لك النهاردة.
••
عوض : الصول أبوزيد لسا ماسك أمن البوابة.
صوت: أقول له منين؟
عوض: الرقيب عوض
.••
صوت :لسا بنقول لو عوض معانا ..كان زمانه نحلة نشاط
عوض: مين اللى بيصدر أوامر ده ?!
صوت :ده الملازم أول حسن
عوض:مش كان عسكري مؤهلات عليا..
صوت :رقوا الكفاءات منهم ضباط احتياط
••
حركة أقدام..
عوض :تمام يافندم..
م.أ.حسين: لسا ميري ياعم عوض..
عوض:قلبي بيقولي فيه حرب ..
وأنت الوحيد اللي هاتريحني.
م.أ.حسين:الأوامر صدرت من الساعة 21ظهرا..
وأسف ماعنديش وقت
عوض:لكن أنا عندي عمري وربنا خلى المستحيل ممكن وها أحارب وأجيب تار ابويا اللى نسفوه فى قطار العريش سنة 65ودخلته له الجيش مخصوص !
••
(صوت قفزة علي عربة عسكرية)
م.أ.حسين:ياعم عوض.. بتعمل أيه؟!
عوض: أنا عملت خلاص.. هاعدي معاكم وأحقق حلم العمر.. ليلة القدر إنفتحت لي وفي ميعادها..
م.أ. حسين: لو حد شافك بالملكي علي المعبر
ممكن يؤذيك
عوض :سيبها لله
3
.. أصوات مدرعات.. قذائف.. صواريخ..
م.أ.حسن: . أضبط نياشنك ..
الصاروخ ده من فلوس أهالينا.. وأي واحد
ما يدمرش العدو نبقي ضيعنا حقهم
••
م.أ.حسن: شد حيلك ياعوض.
عوض:.. أنا شايل صاروخ.. وجاهز أول مايحتاجه الضارب
••
صوت: يا عم عوض مركز مع الضارب. بتفكر في أيه?!
عوض:في القاذف الجديد.. بأتعلم تشغيله
4
تهليل الشيخ طوبار لآذان الفجر
••
م.أ.حسن:يارجالة.. النهاردة 8أكتوبر.. ثالث يوم حرب.. والجيش الاسرائيلي بيجمع الأحتياطي في 27 ساعة.
مع أول ضوء.. هاتبدأ الحرب اللى بجد..
يا أحنا ••يا هُما..
صوت جماعى : أحنا بإذن الله
••
أصوات دبابات.. وإنفجارات
صوت:يا يافندم.. العسكري أحمد أصيب علي القاذف .
م.أ.حسن: بسرعة أخليه.. ويجلس مكانه بديله الجاهز.
عوض:أنا بداله بإذن الله..
م.أ.حسن: استني أنت ما أتدربتش علي السلاح ده.
عوض:سيبها لله••الدبابات الاسرائيلية بتهاجمنا..
••
صوت صاروخ.. وأنفجار
أصوات: الله أكبر.. .
تسلم ايدك ياعم عوض.. أول دبابة مع أول صاروخ.. الدهن في العتاقي يابطل
صوت صاروخ ثانى
صوت: الدبابة الثانية ياعم عوض.
بوسة كبيرة.. يارقيب أول محمد عوض.
••
م.أ.حسن: أخذتم بالكم من المدرعات الاسرائيلية.
أول ما نضرب لهم الدبابة الثانية ينسحبوا ذي الفيران.
••
(تبليغ باللاسلكي)..
أفندم.. ملازم أول حسن.. تم تدمير دباباتين للعدو وانسحب الباقي شرقا والرقيب متقاعد محمد عوض
هو اللي دمرهم .
عقيد بهنس: أيه ده هو عوض رجع ..
م.أ. حسن:أحسن مما كان يافندم.
عقيد بهنس:في أول فرصة.. أشوفه..
••
_ياعم عوض.يا بطل • أڤرول وبطانية من عندى
ونقسم تعيين الفطار والسحور
••
صوت :الراجل ده بطل بجد.تصور له ٤ أشهر في الجبهة.. وماحدش من أهله يعرف عنه حاجة..
صوت :الحرب مليانة بطولات نادرة
صوت: ده دخل الحرب بمزاجه وقراره.. كان يقدر يمشي
صوت :أيوه علشان الجنرال شارون.. يقولك في صمود السويس.. لو ساب طريق القاهرة مفتوح كان السوايسة سابوها عامل عبيط وهو متأكد أن ما حد يقدر يزحزحنا عن شبر من أرضنا وان طال الزمن
واللي حصل في 76 لن يتكرر ..
5
عقيد بهنس: عوووض (بفرحة
أحضان.. وربتات علي الأكتاف.. ودموع فرح
عقيد بهنس: وحشتني يابطل.
عوض: وحشتني جدا.. يافندم..
هدوء.... وضحكات
عقيد بهنس: فاكر لما قلبت دماغي..علشان تركب عربة الصواريخ اللي الروس قالوا مايركبهاش إلا ضباط..
عوض:وسيادتك ساعدتني وعلمتني.
عقيد بهنس:وأنت رفعت رأسي عند
اللواء عبدالمنعم خليل قائد الجيش الثاني
واللواء يوسف صبري أبوطالب.. مدير سلاح المدفعية
لماأصرا أنك تضرب بالذخيرة الحية في ميدان الرماية علي هدف صغير وبأرتفاع منخفض للصاروخ..
ونجحت من أول مرة..
عوض:الحمدلله .
بهنس:فاكر.. لما مديت سلك الأطلاق، واستخبيت في الشجرة وضربت الدبابة في خط بارليف.
وضربوا قذيفة على موقع الاطلاق وطلعوا فشنك
عوض:يعني هايعملوا أذكياء علينا..
بهنس:.. أنت ضربت كام دبابة.
عوض:8 منهم 2في الثغرة..
بهنس: وأخذت ما يثبت ذلك من كل قائد خدمت معاه.
عوض :كل أوراقي جاهزة.
6
صوت: سيادة المشير أحمد اسماعيل.. بيمر علي كل القوات في الجبهة في شرق القناة.. بيهنيهم بالنصر..
عقيد بهنس: أفندم..
م.أحمد إسماعيل: خير ياسيادة العقيد.
بهنس: عقيد محمود سلطان بهندس يافندم.
أحمد إسماعيل:خير يامحمود..
بهنس: أعرض علي سياتك موقف
الرقيب متقاعد محمد عوض.
يخفت الصوت.. بموسيقي تصويرية
بهنس:وادي أوراقه يافندم.
أحمد اسماعيل:هما دول رجالة مصر..
يعود الرقيب متقاعد محمد عوض للخدمة في القوات المسلحة..
ويرقي إلي رتبة رقيب أول وتعتبر فترة الثلاث سنوات السابقة أجازة بدون مرتب ويرفع مرتبه مرتين
ويخدم معلم في مدرسة المدفعية.
••
(حلقة اذاعية)
محمد على السيد ••وأجيب تار أبويا