كشف الفنان أحمد فهمي، عن أن عندهم عقدة من شراء الأحذية، قائلا: "عندي عقدة من الأحذية، وأنا صغير كنا عيلة كبيرة ومرتب والدي كان قليل وكان بيجيب لي جزمة واحة في السنة عيد ومدرسة وكل حاجة وكان ضد العب بيها كرة وكنت بلمعها علطول".
وأضاف أحمد فهمي، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، أنه حينما كبر وبدأ يشتغل تحول لمدمن شراء جزم، متابعا: "بقيت مدمن جزم وممكن اشتري جزمة عشان عجبتني شكلها وممكن ملبسهاش ولكن طول عمري عيني مليانه وعمري ما كنت ببص لحد".
وتابع الفنان أحمد فهمي: "لو معايا ومش معايا أنا تمام واللي بأخذ بالي منه دلوقتي المستقبل عشان مراتي وعيالي وأسرتي وبعرف أحوش، وبعرف أقسم الفلوس ما بين تحويش وصرف وأنا شخص كريم وبحب استمتع بحياتي".
