( صوت المذيع - صدى الزمن
(باب المندب -3 عصرا بتوقيت عدن
-2 بعد الظهر فى القاهرة - الحرارة 33 درجة مئوية -نسبة الرطوبة 73٪ -أرتفاع الأمواج 5 م
سرعة الرياح 25 كم / ساعه
السبت 10 رمضان 1393- 6 اكتوبر 1973
(الخلفية صوت ورده ••وأناااااا على الربابة بأغنى)
••
صوت ميكروفون المدمرة :
حضرات السادة الضباط أجتماع مع القبطان سعت ••تاريخه ••عاجل )
همهمات ثم صمت
القائد :بسم الله الرحمن الرحيم
الحمد لله ••جاء اليوم اللى بنعمل له كلنا
الاوامر وصلت بالخروج للبحر فى مضيق باب المندب
••
صوت راديو بشوشرة ••البيان رقم 5
من القيادة العامة للقوات المسلحه
عن نجاح قواتنا فى عبور قناة السويس
ورفع العلم المصري على الضفة الشرقية للقناة
••هنا القاهرة
( تهليل الجنود ••الله اكبر )
••
( صفارات مراكب وهدير أمواج وصفير رياح )
القائد :أيه ده ••تفاح امريكانى؟!
ضابط بحرى :وخرفان حيه ومعلبات أكل وعصير لنش مليان
القائد :والله فيه الخير
الضابط : يا أفندم مش خدم مع سيادتك
فى البحرية وعاش معانا فى أسكندرية
القائد : زمالة الاخوه العرب فى كلياتنا العسكرية بتزود الترابط ••فكرة الرئيس عبد الناصر ••
الله يرحمه ••للتواصل العربى وأدينا بنجنى الثمار
الضابط : اذا كان على الثمار ••أدينا بنجنى ثمار حرب اليمن وتحريرها ولولاها ما كناش أعتمدنا على موانيهم فى مهمتنا
القائد :.. هوه بقى قبطان تجارى دلوقت ؟!
الضابط : والله يا افندم لما سأل عن
قائد المدمرة وقلت أسم سيادتك ••فرح قوى
القائد :زمالة خدمة الجيش
••كلمنى على اللاسلكى وأنبسطت به قوى
وما تنشاش أن قائد القاعدة البحرية الصومالية دفعتى فى الكلية البحرية بالاسكندرية كمان
( أصوات صفارات ••تحية النصر من السفن )
••
القائد: سفينة سعودى دى مش كده!!
الضابط : تمام يا أفندم فرحانيين جدا
القائد : من يوم ما عبرنا قناة السويس
والدنيا كلها فرحانه
الضابط :كل السفن اللى بتعدى باب المندب بتطلق صفارات التحية
القائد : ما هو كلهم وصلهم البيان
أننا نمنع أى سفن لاسرائيل لأننا معها فى حالة حرب
ولنا حق التفتيش والأعتراض
لو السفن ما ردتش على أشارتنا
بحمولتها ووجهتها
••
(صوت رتيب للأمواج )
الضابط : الدنيا حر قوى
القائد : قصدك الرطوبه عاليه
الضابط :فعلا
القائد : خد بالك أمسح عرقك بأنتظام
علشان حرارة الجسم ما تتحبس
وتعمل نوع من ضربة الشمس
••
الضابط – الجزر اليمنية حولنا متأمنه يا أفندم؟!
القائد : طبعا أنت ناسى إننا إتدربنا هنا بعد 67 وتشكيل أسطول البحر الاحمر من القطع البحرية
اللى اتقفلت القناة وهما جنوب البحر الاحمر
الضابط - طبعا فاكر ••بس الامر يحتاج تأكد العدو خبيث
القائد :أحنا مش نايمين؟! وصاحيين قوى
المخابرات أكدت سلامة الموقف قبل الحرب
والاهالى فى الجزر فرحانه بالنصر
فيها مدرسين مصريين بيربوا اولادهم ومعاشرينهم ••وحوليها صيادين من الكويت فرحتهم لا توصف
••
( صوت إبحار سفينه
لاسلكى :من انت وما هو اتجاهك أجب ؟!
ضابط - ما بيردش يا أفندم !!
القائد : أضرب طلقه تحذيرية فوقه
وحسب الاوامر اذا ما ردش أطلق ثانيه أمامه علشان يشوفها والتالته فى السفينة ••يعطلها
ضابط :تمام يا افندم•بيستهبل وأطلق إشارة إستغاثه
إنه بيتعرض لهجوم من سفينة لا يعرف هويتها
القائد : طبعا ما هو رافع علم امريكا !!
يستنفر الفرقاطه الامريكانى ••علشان تتدخل وتحميه
الضابط - أوامرك يا أفندم
القائد :الاستعداد لكل الاحتمالات وأضرب صفارة طوارئ لقواتنا وكل واحد فى موقعه على سلاحه
ضابط :يا أفندم الفرقاطه الامريكانى
من يوم ما ظهرت بعد خمس أيام من الحرب
ما عملتش غير المرور العادى
رغم أن فرقاطتنا ( رشيد )غلست عليها
وحاولت أعتراض طريقها لكنها لم تغير من عملها
القائد : أنا متاكد أنهم متابعين الموقف كويس وسامعين كل الاتصالات وعارفين أنه كداب
وأحنا جاهزين
ضابط : رجع فى كلامه وقال عندى عطل
القائد :ما هى الفرقاطه الامريكانى ما عبرتهوش
ضابط : ورجع جنوبا لخليج عدن تانى
القائد :الف داهية
••
( اصوات أمواج هادئه وحوار هادى)
ضابط :أحنا أول مره يا أفندم نستخدم العمق الاستراتيجى المصرى
القائد :ابدا طول عمرنا عارفين اهمية البحر الاحمر وباب المندب من أيام حتشبسوت
ضابط :أنا يا أفندم شقت صخرة فى ميناء مصوع الصومالى مكتوب عليها هنا وطأت قدم
الوالى محمد على يعنى جه هنا 1840
القائد : خد بالك اسرائيل بتقول ان أمنها حيث يقف أخر جنودها ••أدينا من مسافة 6 الاف كم قفلنا عليهم المياه والنور
لا تجارة ولا بترول
ضابط : يا افندم مجرد سؤال
مش ممكن الطيران الاسرائيلى يوصل لنا هنا
القائد : محسوبه ••لسا ما عندهمش تزويد وقود فى الجو ••ولا ميناء قريب ينزلوا للتموين
ضابط :الامريكان عندهم
القائد :أحتمال مش كبير ••أنهم يعملوه بطائرات عليها علم اسرائيل ••وفى الحاله دى
نتجه لقاعدة (بربرة )جنب القاعدة الروسى
مش ها يغامروا ويهاجموا بأحتمال إصابة الروس
ضابط :وأحنا كمان مش ها نسكت ••بكل اللى معانا من اسلحه
••
( اشارة من المدمرة الظافر للقيادة بالمد مرة الناصر )
عندما دخلنا للتموين التقليدى بميناء عدن طلبت الشركة الانجليزية الدفع نقدا
القائد :ما هم عارفين اننا بندفع بشيكات
وتتسدد بالطريق التقليدى!!
ضابط - مصممين
القائد : إيه النصر قلقهم للدرجه دى ؟!
••
( للمدمرة الناصر : وصل اليوم
السيد حسن صبرى الخولى ••
مبعوث الرئيس السادات
ليلتقى رئيس جمهورية اليمن الجنوبى
ووزير الذفاع لحل الموقف ••
ويتجه غدا للسعودية ليلتقى الملك فيصل ••الذى وافق على تولى الدفع نقدا مقدما للشركة البريطانية
••
اشارة ••تم التمويل ••
وسيادة العميد محسن حمدى
مندوب القيادة العامة ••الذى وصل أمس
لحل المشكلة سيزور المدمرة غدا ••
لتحية الرجال
••
ضابط :سمعت أخر ا إشاعات يا أفندم ؟!
القائد :سمعت!
ضابط - معقول يجهزوا طيارة (كونكورد )
كطيارة تمويل جوى
القائد : حرب نفسيه ••لسا بدرى
بعد الحرب يجوز يأخدوها من الامريكان !!
إنما دلوقت هجس!!
••
(مكتب الرئيس السادات ••أصوات هادئه سيادة الفريق أحمد إسماعيل على (وزير الحربية )
وسيادة اللواء فؤاد نصار (مدير المخابرات العسكرية )
يتفضلوا الريس منتظركم)
الفريق أحمد اسماعيل ; يا أفندم ••
كيسنجر وزير الخارجية الامريكى
فى أول لقاء مع سيادتك نقل لك طلب
جولدمائير رئيسة الوزراء الاسرائيلى
فتح باب المندب وبعدها نتفاهم فى أى حاجه
يكمل اللؤء فؤاد نصار : طلبوا من اللواء الجمسى (رئيس اللجنة العسكرية المصرية )
فى مباحثات الكيلوا 101 نفس الطلب
الرئيس (يضحك )••كويس الرسالة وصلت
أمنهم القومى مش فى أحتلال سيناء
ولا شرم الشيخ ••أحنا كسرنا نظرية الامن الاسرائيلى خلاص
اللواء فؤاد نصار : ورأى سيادتك
نوصل تموين ومياه للسويس المحاصرة
والجيش التالث فى شرق القناة
ونسمح بمرور السفن فى باب المندب
بس وحداتنا البحرية تستمر هناك
علشان العالم يعرف أننا ما خلصناش حرب وممكن نقفله تانى ••المهم أن النظرية أتحطمت ولسا يا ما هايشوفوا حاجات كتيره فى دهاليز السياسة
••
(حلقة اذاعية)
محمد علي السيد يكتب: تفاح أمريكاني!!
