وجة "كزبرة"، رسالة لصناع فيلم "الحريفة" الذى تم عرضه في جميع السينمات مؤخرا، والتي حقق نجاحا كبيرا خلال الفترة الماضية، وذلك عبر صفحته الشخصية بموقع تبادل الصور والفديوهات "إنستجرام".
ونشر كزبرة صورًا من كواليس التصوير والعرض الخاص، وعلق عليها قائلا: "من صغري كان نفسي آخد فرصة تمثيل وكانت بتتأخر عشان ربنا شايلي الأحسن والأفضل ليا والحمد لله الفرصة جت والحمد لله بتوفيق ربنا الواحد كان قدها وأول فيلم ليا بقي من أعلى إيرادات السينما المصرية والفضل بعد ربنا يرجع للناس اللي دخلت الفيلم أنا بشكر كل واحد فيكم من كل قلبي".
اقرأ أيضاً
سامر المصري بأحدث جلسة تصوير بدبي | صور
واستكمل حديثه قائلا: "ويارب نفضل دايما عند حسن ظنكم وثانيًا أنا بشكر أستاذ طارق الجنايني صاحب الفضل عليا بعد ربنا علي أنه شاف فيا موهبة ودعمني من كل قلبه، وتاني حاجة علي المخاطرة الكبيرة وثقته في شباب لسه طالعة واغلبيتهم كان اول مرة يمثل بجد، أنت أفضل وأشطر الناس الي شوفتها وتستاهل الخير كله وطبعًا بشكر أستاذ رؤوف السيد المخرج العبقري اللي قدر يطلع من كل واحد فينا أحسن ما عنده ومعاملته لينا وإن قدر يحتوينا ويثق في موهبتنا".
واختتم حديثه: "وطبعا بشكر أخويا وحبيبي أستاذ إياد صالح القلم الجارح علي الفيلم الحقيقي والورق الجميل الي يعيش مع الناس والرسالة الحلوة إللي وصلتها من الفيلم وطبعًا أي حد اشتغل في الفيلم أنا بشكره من كل قلبي وأخيرًا اخواتي الحريفة أنا طبعا مهما اتكلم مش هعرف أعبر عن حبي ليكم وهفضل طول عمري فخور اني اشتغلت معاكم وفخور إن النجاح ده أنا شوفته معاكم انتوا وليا الشرف أني كنت جزء بسيط من العمل ده وأخيرًا استنوا الجزء الثاني".
