قال هاني أمان، الرئيس التنفيذي لشركة الشرقية للدخان، إن أسعار السجائر هي أقل زيادة حصلت في الأسعار مقارنة بأسعار السلع الأخرى التي ارتفعت بصورة كبيرة، مضيفاً أننا رفعنا 3 جنيهات من 27 إلى 30 ولكن عمليا الأسعار نزلت بالسوق.
وأضاف "أمان" في حواره عبر تطبيق زووم مع الإعلامية كريمة عوض ببرنامج "حديث القاهرة" المذاع على فضائية "القاهرة والناس": صحيح إحنا بنفتح اعتماداتنا من البنك ونحصل على الدولار بـ30 بعد ما كنت بحصل عليه بـ15 يعني بقى الدبل وسعر المواد الخام وصلت من 300 إلى 400%.
وأوضح السيجارة كلها مستوردة حتى الحجات اللي بنشريها من مصر بيكون أساسها مستورد يعني كل السيجارة مستوردة وسعر المادة الخام كلها رفعت.
وأكد أن الشرقية للدخان هي مجمع صناعي ضخم، يعني الفلتر اللي بنصنعه المادة الخام بتاعته بجيبها من بره، إحنا بنشتري المادة الخام ونعمل لها تصنيع وعندنا مصنع طباعة للورق وحتى الصمغ اللي بنستورده من شركة محلية الشركة تستورد المادة الخام الخاصة به من الخارج.
