تحتفل اليوم الموافق 23 من شهر فبراير الفنانة حنان مطاوع، بعيد ميلادها الـ45.
ولدت حنان مطاوع 1979، هي ابنة الفنان كرم مطاوع والفنانة سهير المرشدي، تخرجت من المعهد العالي للفنون المسرحية.
دخلت عالم التمثيل من خلال دور بسيط كمطربة في مسلسل حديث الصباح والمساء عام 2001، وتوالت بعدها نشاطاتها الفنية بين السينما والتيلفزيون منها :"محمود المصري، إوعى وشك، قص ولصق، الغابة، صياد اليمام، هليوبوليس، حفلة منتصف الليل، يوم وليلة، الجبروت، القشاش، وبعد الطوفان، الصباح التالي، الجنس اللطيف، الغابة، صياد اليمام، قبل الربيع، قصص الحيوان في القرآن، تعالى نحلم ببكرة، نجمة الجماهير، قلبي يناديك، لا أحد ينام في الإسكندرية، هو جرى إيه، أشباح المدينة، دعوة فرح، أولاد الشوارع، الست أصيلة، أرض الرجال، سارة، الحب موتا، بنت النور، قيود من نار، أحلام نبيلة، ليالي، وكالة عطية".
فاجأت حنان مطاوع الجميع بخبر إنجابها لطفلة من زوجها أمير اليماني، وتساءل الكثير وقتها عن سبب عدم كشفها عن حملها ولكنها أكدت بأحد اللقاءات التلفزيونية أنها تفاجأت بحملها خلال تصوير مسلسل لمس أكتاف وشعرت بتوتر شديد وعدم الرغبة في الإعلان حتى تتمكن من انتهاء التصوير، كما لم ترغب في الإعلان حتي لا يكون تركيز المشاهد على حجم بطنها وليس على أدائها بهذا العمل .
قد يجهل عدد كبير من الجمهور والمتابعين بأن حنان مطاوع لديها أشقاء أجانب يحملون الجنسية الإيطالية، وهي بنفسها تحدثت عنهم في لقاء تلفزيوني سابق لها مع الإعلامية منى الشاذلي.
وقالت حنان مطاوع: "فكرة أنه يبقى عندي أخوات أجانب فكرة لطيفة، هما ناطقين بالانجليزية مش بالعربية، عادل مش بيعرف يتكلم غير إنجلش وإيطالي، فبنتواصل بالإنجلش، وكريم مش بيعرف يتكلم خالص غير إيطالي فبنتكلم باللمس، وهما مامتهم إيطالية بابا كان في البعثة بتاعته قبل ما يتجوز ماما بسنين اتجوز واحدة إيطالية وخلف منها عادل وكريم وجم قعدوا تقريبا سنة هنا وسافروا وهما عندهم سنة لإيطاليا وهما عايشين في روما، روحتلهم مرتين وهما جم كتير، وهما الاتنين شبه بابا بس هما الاتنين مش شبه بعض بالرغم من أنهم توأم".
تعرضت حنان مطاوع، لوعكة صحية خطيرة أدت إلى خضوعها لعملية جراحية، وقالت حنان مطاوع عن تلك الوعكة في لقاء تلفزيوني سابق لها: قبل عملية الغدة الدرقية اتشخصت غلط، ففي الآشعة الموضوع تضخم وخد منحنى تاني واتقال حاجات ومكناش لسه روحنا لدكتور ولا لجراح، بس كنا خلاص دخلنا دوامة الوهم أنا وجوزي ومبقناش عارفين نعمل ايه، وارتبكت جدا لدرجة أني عملت مسح ذري، ودخلت في حتة تانية.
وتابعت حنان مطاوع: "المرض ابتدى بضيق تنفس وصوتي لما كان يتشرخ بسبب دور برد مكانش بيرجع، يعني يقعد 4 شهور عشان يرجع، وأنا مش عارفة ليه، والحقيقة رقبتي كانت تخنت أوي، ولما روحت عملت سونار دخلوني في نفق مظلم ثم وهم، وقالولي عندك ورم، ومبقتش شايفة أي حاجة في الدنيا غير أماليا، وجوزي كان بيعيط وقولتله خلاص هو أنا كدا بموت؟!، هي كانت تجربة وحشة أوي، وتجربة المسح الذري قالولي فيها متروحيش ومتناميش جمب بنتك النهاردة، وكنت طول الوقت بحمد ربنا، وكنت متمنية أني أعيش عشان أكون معاها، وقبل ما أدخل العمليات قولت وصيتي، وأنا كاتبة وصيتي من وأنا صغيرة بس بجددها كل فترة عشان بيحصل طارئ جديد".
