قد ضاقت الدنيا بسماك
تايه وبتدور في روحك عن سفينة
لساك شريد .. !!
الموج يشيلك يهبدك
فوق صخر عارف علتك
والبؤس طوقك للنجاة
بمؤامرة الشمس الحياة
والسكة تاهت من شارع لمينا
متغطي ضهرك بالدمار
والنار بتحرق جتتك
أفواه بتبلع في اللحم اللي باش
واللتة من نفس العجينة
ملحك وعيشك طين في طين
وبيتبدر بذرة ف حشاك
والنطفة تكوي محبتك
الموت فنار عمال بيبعت في اشارات
وضباب الضي بيرش في عيونك رمال
ما انت اللي متسمر في عقلك مطرحك
دا الوحدة شبعت بحلقة
في مراية الحلم السفاح
طب ليه بتجري ف ألف شط بدون سكينة
خليك بعيد ماتكونش للخوف مستباح
إبعد بروحك عن لئام
د الصمت أبلغ من طواحين الكلام
إتمنى حلم .. إتمنى نور
إتمنى يوم تعرف تنام
صحي الكابوس من مرقدك
إتمنى قلب يطمنك
يمكن تعيش لحظة سلام
جايز تكون المعجزة
جايز تكون سطر الشطب في مبتداه
