قالت الإعلامية سالي عبد السلام، إنها عثرت على أشياء غريبة أمام منزلها، وشكت في كونه سحر أسود لأذيتها، وطلبت من جمهورها مساعدتها.
وقالت سالي عبد السلام في فيديو نشرته عبر حسابها بموقع "فيس بوك": "حصل حاجة غريبة بقى لها فترة بتحصل عندنا، ومعرفش مين بيعمل كده، وعملت سيرش في جوجل طلع سحر أسود، حتى والله لسه ما قلت لأهلي، ولو حد يعرف يساعدني، لأني خلاص عطلت، وكل مرة بلاقي حاجات غريبة عند عتبة البيت، وقبل كده لقيت قطة متكسر عضمها وميتة وفي بوقها ورقة، والنهارده وأنا نازلة لقيت كيس فيه حيوانات منوية ومرمي قدام الباب جوه البيت".
وكتبت سالي عبد السلام: "ده فعلا زي ما طلع لي على جوجل إنه سحر معمول.. ومش أول مرة حد ييجي يرمي حاجة غريبة في المدخل على السلم نفسه جوا قدام البيت.. فيه حد يعرف يقولي ده إيه ويساعد؟ أنا بجد تعبت وزهقت وبيحصل بعدها مشاكل كتير أو حد يبقى عيان جدا في البيت.. فيه حاجة بتتعمل سحر كدة أصلا؟".
