قال الفنان لطفي لبيب: "احنا اليومين دول عايشين في عصر شبيه ببشتكة الدومينو، نعيش عصر البشتكة".
اقرأ أيضا|الفنان لطفى لبيب: الحقيقة أن إسرائيل هي اللي كانت محاصرة فى السويس وليس العكس
وأضاف خلال تصريحات تليفزيونية بقناة "المحور": "نعيش عصر البشتكة لإن الدنيا كلها بتتغير والمناخ والاقتصاد بيتغير والجغرافيا بتتغير، بس التاريخ عمرها ما يتغير".
وتابع: "أنا زعلان من الكوكب لإنه عامل مشاكل في بحر الصين ومضيق المندب والسودان والنيجر وأوكرانيا وطبعا غزة دي حكاية لوحدها".
وواصل لطفي لبيب:"ربنا مبيغضبش أبدا على ناسه ولو الناس أفسدت في الأرض هما اللي بيتحملوا مسئولية الإفساد، ربنا مبيقدمش الا كل خير، فمش عارف ايه اللي بيحصل في البشتكة اللي بتحصل دي"
ولفت: "أنا قطرة من بحر مش عارف فين الميناء بتاعته، كلنا دلوقتي نفتقد الرؤية معندناش الرؤية المستقبلية ومش عارفين بكرة فيه ايه، المتغيرات كتيرة جدا بس لازم نكون واثقين جدا اننا هنعدي بقوة وأي حرب حصلت في مصر إلا ويأتي بعدها رخاء".
