يقع العديد من الأبناء في الخطأ أثناء الإجابة على أسئلة الإمتحانات، ورغم أن أغلبهم يعلمون الإجابة الصحيحة ولكن قد يكون الوقوع في هذا الخطأ نتيجة التسرع أو النسيان أو التوتر.
اقرأ أيضا|أولياء الأمور: سهولة امتحانات الصف الثاني الثانوي بالقاهرة والجيزة
عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، طرحت هذا الموضوع للنقاش، بين الأمهات من أولياء الأمور، قائلة: «بتتعاملوا مع أولادكم إزاي لو عرفتوا انهم أخطأوا في الامتحانات وإزاي بتطمنوهم عشان يركزوا في المادة اللي جاية؟".
وأشادت مؤسس إتحاد أمهات مصر وإئتلاف أولياء الأمور بتعليقات وطريقة تعامل أغلب أولياء الأمور مع أبنائهم الذين يقعون في بعض الأخطاء عند الإجابة على الأسئلة، وكذلك مشيدة بمستوى رد فعلهم الراقي والمفيد لنفسية وتشجيع الأبناء.
وتفاعل العديد من أولياء الأمور على صفحة إتحاد أمهات مصر للنهوض بالتعليم وإئتلاف أولياء الأمور، على فيسبوك، حيث قالت ولي أمر: «المهم يعرف الخطأ ايه عشان ميكرروش لو ناتج عن عدم فهم للمعلومة، ولو خطأ ناتج عن تسرع يبقى ننصحه يهدأ وبلاش يتوتر بدون داعي، وأهم حاجة إن مفيش مشكلة لو غلطنا أو نقصنا نتيجة جهل بمعلومة أو صعوبة سؤال طالما مفيش تقصير من جهتنا».
وأضاف ولي أمر أخري: «بقولها ولا يهمك، المهم نعرف إحنا غلطنا ليه وفى اية علشان منكررش الغلط ده تانى، ومهما كانت هيا غلطت فى اية عمرى ما أزعق علشان خاطر امتحان، المهم نفسيه البنت تبقى مطمنة وانها تقدر تكمل بقيه الإمتحانات».
واستكملت ولي أمر أخرى: «بقولها أهم حاجة عرفتي الصح ايه؟ يبقى خلاص هتستفيدى من الغلط المرة الجاية وعمرك ما هتغلطى فيها تانى، وكمان بقولهم أنا عمرى ما أحاسبكم على درجة ولا أزعل على درجة لكن أزعل على تقصير فى مذاكرة وانكم مش قد المسؤولية.. لو أنا متأكدة انكم عملتوا اللى عليكم خلاص بالنسبة لى كده جبتوا الدرجات النهائية والعكس لو جبتوا درجات كويسة وأنا عارفة إنكم مقصرين ومذاكرتوش كويس هزعل ومش هفرح بالدرجات».
وذكرت ولي أمر أخرى: «بقول لإبنى اللى انت حليته خلاص، نركز فى المادة اللى جايه ومنكررش الخطأ تانى، بقوله أنت تعبت وذاكرت وعملت اللى عليك عشان نفسيته ويعرف يفكر فى الماده اللى بعدها».
وتابعت أخرى: «مش براجع أى مادة فى فترة الامتحانات أصلا لأن المراجعة بتسيب أثر محبط مهما كان الكلام غير المراجعة مش هتغير أي شيء من النتيجة، احنا بنجتهد طول الترم وبعدين نمتحن ويوم الامتحان بقولهم انى متقبلة النتيجة ايا كانت لأننا تعبنا، وبس والحمدلله ربنا بيكرمنا على قد تعبنا، أولادي أهم من أي شيء».
