كشف الفنان شريف منير، عن تعرض فيلمه الأخير «ليه تعيشها لوحدك» والذي يعرض حالياً في السينمات لحملة من جهة ما لإفشال الفيلم، مؤكداً أن هناك دور عرض قصدت إفساد صوت الفيلم لسقوطه في شباك التذاكر.
وأوضح قائلاً: «الفيلم حلو ومختلف وكان لازم الناس تشوفه لكن تشوفه إزاي لو مش عارفة إنه نزل في السينما؟» وتابع قائلاً: «لما فيلم ينزل ومهتمش بالدعاية ولا يوجد بوستر للفيلم في الشارع أو إعلان في الشاشات الرقمية في الميادين يبقى في حد عايز يوقع الفيلم».
اقرأ ايضاً .. مصطفى حجاج يشارك عصام صاصا برومو أغنية «إللي جاي بتاعنا» | فيديو
وأضاف شريف منير خلال لقائه مع إنجي علي في برنامج «أسرار النجوم» قائلاً:«مش عايز أقول الجهة لكن أقول له ربنا هيجيب حقنا منك المفروض في ميزانية للدعاية إتعمل بها إيه؟».
واستكمل قائلاً: «في سينمات بوظت صوت الفيلم وبنتي دخلت الفيلم وكلمتني من السينما وقالت إن الصوت بايظ وبعض السينمات ألغت أو لم تعلن عن حفلة الساعة 10 والساعة 12»
واختتم حديثه قائلاً: «في بعض السينمات تم إعلام الجمهور إن التذاكر خلصت وممكن يدخلوا فيلم تاني وتلاقي في أمكان في القاعة يبقى في حد قاصد أو متوصي يوقع الفيلم».
يذكر أن فيلم «ليه تعيشها لوحدك » من بطولة خالد الصاوي وشريف منير وسلمى أبو ضيف وخالد عليش وأمينة شلباية من إخراج حسام الجوهري.
