قنعور منقعر قنعره
عامل لى فيها عنتره
لو عبله كانت تشتهى
كيس الفيشار للمنظره
......
انا كنت هالعن نعلها
لو حتى عنتر بعلها
أصل العناتر فى الفلا
جايين يشاهدوا فعلها
.....
و الفعل فعلا مسخره
مساحيق و حبة مسكره
و قميص محزق ياوللا
قرب و دوق السكره
.....
و السكره متفشخره
جوه الحوارى المسخره
و الشكل انثى للغراب
و الطعم حبة معيره
......
يا معزة المش الحلوب
دارى يا حلوه فى العيوب
الشمس تهرب م الغروب
لعيون نعاج المجزره
......
يا أيها الرعب المخيف
شكلك سخيف
قصرك منيف
تحتك رصيف المقبره
.....
يا عبلة الغش الشنيع
شكلك فظيع
جوه القطيع
والضحكه مايعه مكركره
......
يا كل عنتر منكم
جاى بيحكى عنكم
الميه تجرى فى دمكم
يا دشدشات القنطره
