انضمت مؤخرا الفنانة شيماء سيف لابطال مسلسل«فراولة»، بطولة نيللي كريم، ومن المقرر بدء التصوير خلال الأيام المقبلة، والعمل من تأليف محمد سليمان عبدالمالك، وإخراج مروان عبدالمنعم.
تفاصيل مسلسل«فراولة»
تظهر نيللي كريم ضمن أحداث العمل بشخصية بنت حارس عقار في منطقة الزمالك، وتتطور من قارئة فنجان لـ خبيرة طاقة وانفلونسر، ومن المقرر عرضه ضمن الموسم الرمضاني 2024.
شيماء سيف: ناس كتير أيدت كلامي عن المايوهات
في سياق أخر شنت الفنانة شيماء سيف، هجومًا من ملابس بعض السيدات والنساء في موسم الصيف هذا العام، مؤكدة أن الأمر أصبح زائدا عن الحد دون خجل.
وقالت شيماء سيف في تصريحات لـ بوابة أخبار اليوم: "أنا وضحت وجهة نظري وقلت كل الكلام اللي أنا عاوزة أقوله في البوست بتاعي إمبارح".
وأضافت: "اللي هاجمني هو حر زي مانا ليا رأي هما كمان ليهم رأيهم أنا لم أر هجوم في التعليقات على ما كتبته بالعكس هناك تأييد لما أقوله ولو حد هاجمني فأنا أحترم ذلك فلابد أن نحترم رأي بعضنا البعض".
وتابعت شيماء سيف: "أنا لم أقصد حد معين وقولت اللي أنا عاوزاه جوة البوست وأنا قولت كل التوضيح".
وكتبت شيماء سيف، عبر حسابها الرسمي بموقع التواصل الاجتماعى إنستجرام: "خلاص الصيف بيخلص لكن للأسف آثاره مكملة.. طول عمرنا بنطلع على البحر ونشوف أشكال وألوان مايوهات.. لكن السنة دي العري فاق الوصف..المايوه بقى يتلبس في كل مكان مش على البحر بس.. توب المايوه بقي اللبس الرسمي للبنات وفوقه کاش مايوه بیبین أکثر ما بیستر".
وأضافت: "هي البنات دي ما لهاش أب أو زوج أو أخ قلبهم ياكلهم عليهم والدم يجري في عروقهم؟.. فين نخوة الرجالة.. فين حياء البنات.. والمصيبة أن كل الأعمار وكل الأحجام مش بتفرق.. الموضوع زاد أوي تحت مظلة أنه بلاش خجل الجسم وكلام فاضي، فين الحياء؟".
وتابعت: "الجسم المفروض نحافظ عليه مش نمتع غيرنا بيه.. الغلط غلط ولو كل الناس عملوه.. الغلط القطيع بدون وعي.. فين الحياء والعفة والخجل والخصوصية؟.. بالنسبة للي عنده أولاد صغیرین وبيسألوا هي ليه البنت دى لابسة كده يا ماما؟ كل شيء بقى مباح كدة للناس كلها؟ ربنا يستر علينا جميعا ويهدي البنات والأولاد ويشوفوا الغلط غلط".
واختتمت شيماء سيف حديثها قائلة: "غلط ولو أصبح عادة الكل.. هفضل أقول ده غلط حتى لو كنت لوحدي اللي بقوله.. العري مظهر من مظاهر التخلف الفكري واللي فاكر إنه تحضر ماشي وراء.. مهما کتر ربنا أرنا الحق حقًّا وارزقنا اتباعه وأرنا الباطل باطلًا وجنبنا اتباعه".
