صباح الفل يا بلادي
صباح صافي صباح نادي
صباح المسك والعنبر
صباح ع الدلتا والوادي
صباح بالورد متعطر
ف يوم النصر متسطر
صباح الفل يا سينا
صباح ع المرسي والمينا
صباح مخصوص بأسامينا
ولون الميه في عنينا
تفرحنا ........ تداوينا
صباح الخضره والمنظر
وصوت المدنه بيكبر
صباح ع الكل بينادي
صباح بصراحه مش عادي
وصوت القلعه والازهر
صباح بالفرح متبسم
صباح بيغني ويقسم
وصوت الضحكه بتكركر
ولقمه طعمها سكر
ف إيد فلاح علي الترعه
بيروي الارض ويخضر
ويهدي للعيون شمعه
ف عز الضلمه بتنور
ورمش غزال بيتمخطر
يشيل الورد ويهادي
يلم الشمل وينادي
صباح الفل يا بلادي
صباح صافي صباح نادي