وخلاص اختارتي وحددتي
ونسيتي بسرعة إنك قلبي
وانا كنت بروح واجيلك مخصوص
وانسى الأشغال اللي ف عقلي
أنا مهما بعدتي انا مش حابعد
واكون قدامك و ف وشك
بصي لصورة اللي ف نفسك
حتلاقي هوايا بيندهلك
ويقولك ليه؟
دا رجل مسكين
مشكلته انه بجد يحبك
أنا عارف طيبتك م الأول
أنك مش قلبك حيطوعك
أن الأحساس يتملي أحزان
ويموت النبض يقول أسمك
أنا واقف جنبك وبحبك
ما ان أصلي قصيدة في محاسنك
أتمنى في يوم وأكون مبسوط
وأشوف أشعاري في ملامحك
في حضورك كل كلامي يروح
وابدأ من نقطة وم الأول
لو رضية يزيد الواحد اتنين
والفرحة تتكمل أحسن
يتباع الورد معاه الفل
والدنيا في عينيكي بتضحك
والشمس تزيد من غير بنزين
والقمرة تتجمل منك
أما لو كنتي اختارتي البعد
فحكمتي بالأعدام ليا
وانا عمري في بعدك ما اتحمل
دانا دايمآ فيكي بتأمل
والقلب ساعتها يسيب الدار
ويروح بيدخل وف نبضك
حتى لو رحتي ف أخر الكون
أنا غصبن عنك وف دمك
والحب حياة مليان أحساس
هو اللي جمع أسمي وأسمك
فتعالي نمشي ندوس ع الشوك
وندوس على كل غبار مسك
