1
كاتم أسرار
••
السبت 10يونيو 1967
5 أيام من النكسة
عبد الناصر رجع عن تنحى (9 و10 يونيو )
المخابرات الحربية طلبوا من ولاد البلد المساعدة لتجميع العساكر الشاردة بين جبال سيناء
••
بعد صلاة الفجر
-صباح الخير يا عم عبد المحسن
(بقال حارتنا يفتح بدرى )
-نهاره أبيض !!
- الليلة ها أغيب !!
-ربنا يكتب لك السلامه
••
أدرك ••عندى عملية هناك مع المخابرات
••لا سأل ولا قلت ••فهم من نفسه
أو دعه سرى يكتمه ••يدل أهلى لوغبت.
الأستشهاد أو الآسر
*
شاب 20 سنة ••جيل رجاله
من سن 7 سنين صياد ومسئول
عن أمى و7 أخوات
••
نسرح 6 صباحا فلايك الصغيرة تجاه عيون موسى
نصل 10 صباحا
لا نحمل سلاح نتحرك مدنيين .
نجدهم مرهقين الشمس حرقت جلدهم أقدامهم متورمة
إسعافات أولية•• قليل الماء و الطعام بالتدريج
*
من يمكنه السير ندله على القارب
من لا يستطيع نحمله ببطانية أو على الكتف
بعضهم يطلع فى الروح ويدلنا على زملائه ننقذهم
عندما يتحسنون نعطيهم عصير
30 مصاب يوميا مدة 17 يوم
••
(28 يونيو)
أنتهت المهمة من يريد الاستمرار ••يترك أسمه
••
فى غبة البوص
••
20كم جنوب السويس بين الساحل والصحراء منخفض مائى سبخى بغابة سيقان عالية بوص عشبى طبيعى
••
تدربنا على السلاح والألغام والاستطلاع والتسلل خلف
خطوط العدو
••
ننقل رجال الاستطلاع والضفادع البشرية
نزرع ألغام على طرق ومنحنيات عربات العدو
خاصة أتوبيسات إجازات ضباطهم وجنودهم
••
شاركت فى 5 عمليات
• أول يناير 69 ••أبحرنا من الزعفرانة
(115كم جنوب السويس )لجنوب سيناء
أتوبيس إجازات فى حماية مدرعتين
لغمنا منحنى الطريق وسعدنا بالانفجار عائدين
••
• 7 يناير (بعد أسبوع )كمين مدرعتين قرب
خليج السويس
• الثالثة ••أتوبيس إجازات 43 جندى
إذاعة لندن تحدثت عن العملية 3 أيام
• الرابعة ••نقلنا معدات وأسلحة وألغام
لقوات كومندز تسللت لعمليات متعددة
• الخامسة ••رصينا الالغام
••
فى العودة أعترضتنا سفينة اسرائيلية وأسرونا
*
اتفقنا على موقف واحد
ننقل مخدرات لسوء ظروف الصيد والحرب
أعتبرت نفسى شهيد (لا يضير الشاة سلخها بعد ذبحها )
مهما تعرضت لتعذيب لن أبوح بأسرار تفيد العدو .
*
فى عربة مكشوفة الى أبو زنيمة
(120كم من نفق أحمد حمدى حاليا)•
وبالطائرة إلى تل أبيب وسجن (صرافتت )
ثم سجن غزة
تحملنا التعذيب رفضت أى أساءه للرئيس عبد الناصر
••
جربوا المعاملة الحسنه •فشلت
••
زنزانة سجن (أشكوت )لا يعثر علينا الصليب الأحمر سجن الرملة (38 كم شمال غرب القدس )
40 يوما فى غرفة واحدة مع مريض إسرائيلى
لم أحادثه
أطمئننت لمصاب درزى(من سوريا ) رويت حكايتى
الغرفة المواجهة فلسطينيان عرفوا أيضا
همسا لى يوما( الصليب الأحمر يزور السجن )
القيت نفسى عليهم
(مصرى أسير ••وزملاء فى سجون أخرى )
••
أخذوا معلوماتى ووصلوا لباقى الصيادين
يزورونا شهريا ••يأتوا بطلباتنا
زملائى (أحمد حسن عروق - حسين القط - إبراهيم داود - أمام دعبس - الشحتورى - حندق - حسن الكيلانى)
-14 شهر وتم تبادل أسرى 1970
وعدت للسويس
••
لقيت عم عبد المحسن بصنعة لطافة
دفع أهلى ناحية المخابرات
أستمروا يطمئنوهم حتى عدت
••
أمارس عملى فى الصيد
*
السيد محمد منصف
نوط الامتياز
••
2
••كوبرى الهويس
••
(يا نخلَّص ..يا نِخلص)
••
العسكري يحسم الموقف مهاجما
يا نخلص ونهزم الإسرائيليين
يا نخلص ونموت رجاله
**
كوبرى هويس القطاع الريفى شمال السويس
ضربنا عليه مدرعتين وهربت الثالثة
تعاود قصفنا من خلف المسجد
رصدها ضابط صاعقة ( عبد الجليل )ورجاله
تعقبوها ودمروها
••
الاسرائيليون حرموا يكرروها !!
*
البيت يطل على هويس ترعة الإسماعيلية
و خور الكورنيش المتصل بقناة السويس
(مجال صيدى مع والدى )
والدتى موظفة بمستشفى السويس العام
به أسرى إسرائيليين لن يقصفها طيارانهم و لا دباباتهم
••
مطمئنين عليها هناك
••
والدى قلق عليها بالليل ••ذهب يأتى بها
العدو عند مزلقان السكة الحديد
أصيب تحامل على نفسه دخل منزل به جنودنا
معه قطايف لأمى قبل السحور( 28 رمضان)
أقتسمها معهم وعاد متأخرا
وجدها وصلت وقلقه لغيابى
سمعت صوت على السلم ظنته أنا
فتحت الباب وجدت عساكر إسرائيليين بيستخبوا
صرخت (يهود يا على) وهرعت للبلكونة تولول
سمعها جنودنا ••كبسوا البيت
قتلوهم ••وأستشهدت أمى
جنازة محترمة ••دفنّاها فى أرض الشهداء بالأربعين
••
بعد النصر نقلوا شهداء الجيش لمقابر طريق القاهرة
رفضنا نقلها !!
*
النكسة 1967 سنى 10 سنوات
نساعد الجيش
سمحوا لنا بالصيد (6 صباحا - 12 ليلا )
••الخور(خليج صغير ••شمال السويس ••ميناء قديم تجارة -صيد -سفر كسوة الكعبة _المحمل _الحجاج )
••
نسلم ثلث الرزق ونعيش بالباقى
(نأكل ونهادى ونبيع للأهالى والجنود )
بأى سعر أو مجانا
المهم عايشين.
*
الحصار ••أتصل بى ضباط مخابرات
مبنى الكورنيش كل يوم جراكن مياه -معلبات طعام
من المغرب للفجر
أجدف بعزم شاب سن 18 سنة
طريق ساحلى ورمال من تطهير القناة قبل 67
تدارينى
أعبر لنقطة فى الشرق أنزل الحمولات
أعود أنام للظهر ••
**
6 أكتوبر طارحين الشبك ••طيراننا منخفض للشرق عادوا بسلام ••فرحتنا أكبر مما تتخيل
••
أنسحاب 67 سمعنا فظائع الإسرائليين مع جنودنا (مش بشر )
••
أموت وأشوفهم عن قرب !!
فى هجوم السويس
لا يقاتلوا إلا بالمدرعات كما كانوا فى حصون بارليف
••
(لَا يُقَاتِلُونَكُمْ جَمِيعًا إِلَّا فِي قُرًى مُّحَصَّنَةٍ أَوْ مِن وَرَاءِ جُدُرٍ
الحشر -14
ۚ ••
أجبن مما تخيلت .
*
فى شارع عرابى ••الدبابات بأعلام مصر
من غنايم 67
••
يخدعونا ?!!
على مين ?!
••
ضابط بجنوده ترقب توغلهم ضرب الدبابتين
الأولى والأخيرة
خرج رجالنا من كل مكان يهاجموا الطابور المحصور بين البيوت والسكة الحديد ومقفول من الأمام ومن الخلف
••
تعقبناهم وسط البيوت لم نترك أحد
••
بعد أيام أكتشفنا موتى فى بيوت مقفلة
••
علمناهم درس ••لما يواجهوا المصريين بجد
*
خرجوا مهزومين وعدنا لحياتنا ونسيناهم
••
لم أتذكر الحرب إلا بعد سنتين 1976
الرئيس السادات منحنى شهادة الواجب
••
تذكرت قنبلة منسية فى بيتنا
فجرتها فى مياه الهويس •••ابتهاجا
••
أبو المعاطى على محمد خليل
فدائي من السويس
3
••أتعلمنا من عرابى!!!
••
24 أكتوبر 1973
18يوما من العبور
8 أيام من ثغرة الدفرسوار
••
ممكن نكون إيه غير.. فدائيين.. وطنيين؟!
*
- أتولدنا وأتربينا فى بيوت
شمالها شارع الجيش
الدبابات الإسرائيلية دخلت منه
نيرانها يمين وشمال ••
رجالتنا من البيوت والشبابيك والأسطح مبهدلينهم
••
جنوبه شارع عرابى ••
قائد جيشنا أيام الملكية
وقال للخديوى توفيق ••مباشرة
(لقد ولدتنا أمهاتنا أحرار ولن نستعبد بعد اليوم )
أتعلمنا منه درس كدب الدول الكبرى
صدقهم أن قناة السويس دولية !!
وأحتلنا الإنجليز من1882 سبعين سنه لغاية ثورة عبد الناصر 1952
و بعد 91 سنه
لن يتكرر الامر ولا يلمس أسرائيلى
تراب السويس
و 24 أكتوبر يوم قبرهم إ
*
نزلت جرى أواجه الدبابات
حارتنا واصله بين الشارعين
ويتشاف اللى فيها بسهولة
••
نفحة ربانية
عربة عسكرية محمله صواريخ آر بى جى
مضادة للدبابات ومدافع وذخيرة
لو شافوها تتنسف فى لحظة
••
لا أعرف مصير سائقها
زعقت فى الشباب ••ثواني أختفت
وزعناهم واللى يعرف يعلم اللى ما يعرفش
وسوينا الهوايل .
••
لم نترك عسكرى ولا ضابط
حاولت أنفذ أمر المحافظ محمد بدوى الخولى
نمسك أسرى نعرف منهم معلومات
لم أستطع الدفاع عنهم
من غل الناس.
*
شباب 18 سنة فى 1967
دخلت الدفاع المدنى والمقاومة الشعبية
تدربت بأرض الحرس الوطنى ووقفت خدمات فى الشارع
••
الإسرائيليون لو دخلوا البلد ••
!!يبقى نموت ومالناش لازمة
نصطاد عساكرهم الفارين من دباباتهم المشتعلة
من الآر بى جى
ونطاردهم فى البيوت المقفولة التى تخفوا بها .
*
ضبطت أمورى مع الفرن والتموين والمياه
البيت مليان خير •
أمام محل الحلاقة اللى ورثته مع الصنعة عن والدى
(ناصية شارع أسيوط مع عرابى )
نرحب بأى حد ياكل ويشرب وشاى وسجاير وشيشة .
ناس تانية ••ملايكه
ممرضات المستشفى الأغراب أخواتنا
فى الشوارع بأمان عمره ما حد قال كلمه واحده
*
وجدت 3 عساكر مصريين حلاقين
شغلوا المحل ياكلوا ويشربوا ويناموا
الزبون يدفع أى حاجة
و لو ما يقدرش ••أهلا به ومعاها شاى
••
أخذت عدة الحلاقة وذهبت المستشفى
أحلق للعساكر المصابة وما أترحلوش للقاهرة
نخفف عنهم ••نفرفشهم
حفلات سمر وسمسمية
*
صديقى أحمد فراج ساكن فى الزراير
عند مقابر اليهودية (جنوب السويس )
والدته هناك
أنهمك فى المقاومة
••
الامور استقرت
خاف عليها
الاسرائيليون هناك وهى وحيدة
-
أستيقظت الصبح بدرى ••إلى كفر النجار
الأمور ماشية لحد اليهودية ••قفزت سور
لقيتنى فى الزراير ••وصلت البيت
أمه بتأكل طيورها فراخ -بط -ديك رومى
فاتحة سكة مع العساكر •ينادوها ( ماما عجوز )
وفروا لها مياه وأكل •لا تتحرك بسهولة
قالت لا أترك فراخى
جمعتهم فى قفص
وهى وجارتها (أم على كوكو )
على عربة كارو بحمار
نقطة تفتيش إسرئيلي ••
تركت الأمور لله
سألها العسكرى
- رايح فين ••ماما عجوز؟!
- راحه أطمئن على أبنى
- سلام ماما عجوز
••
سكنت فى بيتنا بطيورها .
*
••الشوق
••
الخميس 3يناير 1974
70يوم حصار
-صباح عيد الأضحى
••
كل من حولى تذكروا أولادهم !!خارج السويس
يا ترى عاملين أيه?!
- قلت البخهم !!
أشتريت الديك الرومى من (أم أحمد فراج )
تطبخه ومعاه لحمة ودقيق للرقاق
أنهمكوا فى الإعداد
الضهر عزومة لكل من يأكل وفرفشة
*
حولنا الشوق •• ضحك
••
••سهرة صباحى
••
12 ظهر الثلاثاء 29 يناير 1974
96 يوم حصار
( ينتهى بعد 4 أيام -السبت 2فبراير_100 يوم)
الجنود والأهالى يسافروا القاهرة
لأول مرة من 25 أكتوبر 1973
*
مجرد إحساس
الإسرائيليون منسحبون .
بحثنا وتأكدنا
••
بكرة فك الحصار قواتنا تسلمت منطقة المثلث
وطريق القاهرة
*
إلى شارع عرابى
أصرخ وأتنطط
هااااااى ..الله أكبر ..
فرحة..للانتصار
ليس لفك الحصار ولا مغادرة السويس
نحن فى أحسن حال .. الخطر قربنا من بعض
أبتكرنا أشياء لم نتصور عملها ••
وأصبح توفير أصغر شيء يحقق بهجة
••
ليلة من ألف ليلة
السهرة صباحى ..
جندى بإيقاع جركن معدنى يغنى
صوته (حلو وحش ) نسمعه كروان،
غنينا لمصر- السويس -الحرب -الشهداء -الحبيب
رقص -الحان سمسمية ••ضحك وأحلام
••.
ولا حد يقدر على المصريين
فى الحصار حلينا حتى مشكلة تمباك التدخين
جاء من القاهرة عن طريق القوات الدولية
لايصلح للشيشة ••دبرنا عسل أسود ومقص وضبطناه
••
فرن العيش أعطانا بلا عدد
البعض وفر لحم وسيدات ذبحن فراخ وبط وديوك رومى
الكل يأكل ويضحك عساكر جيش وشرطة -صعايدة وفلاحين -كبار وصغار -ستات وبنات
كل من فى السويس فرحان ••
••
ما أزعجنا (مش هانبقى زى ما كنا )
5آلاف مواطن حفظوا بعض •
الصبح نسأل عن أى غائب حتى نطمئن
أى واحد يحصل على شىء يصبح للكل
أكل -مياه -سجائر -معسل أى حاجة.
••
مع الفجر
مجند مؤهلات عليا شدى بأغنية
من حلاوتها أحفظها حتى الان
(حمامة بيضة واقفة فوق غصن الزيتون
يام السلام اللى انجر ح دارى العيون
ده الدمع ما يجبش اللى فات
ولا يرجع اللى مات
ما تعيطيش يا أم الشهيد
يا أم الشهيد ابنك بطل /للمجد بعد اللى حصل
يا أم الأسير ابنك بطل /وجاى زنده من حديد وجاى يقول دم اللى غاب /لازم أجيبه بإيدى ديا من الكلاب
ما تعيطيش يا أم الشهيد
أحلف بأبراج الحمام و6 أكتوبر واللى كان
اطرح عمل يطلع أمل قبل الأوان
ما تعيطيش يا أم الشهيد
*
100 يوم حصار لم أفكر ما فى أهلى
••
الأن عاوز أشوف طفلى وأمى (قالوا بتطلع فى الروح )
وجدت الأومباشى محمد عبده فى عربة للقاهرة ينهى شغل ويرجع لانسحاب الغد
قلت له أشوف أمى
أول مدنى يخرج للقاهرة
المحل مفتوح أحدهم يقفله
مساكن حدائق القبة فى الدور الثانى لقيت أمى نزلت من الخامس وحضن لغاية ما طلعنا
5 أيام معهم أحضرت طلباتهم أختى من إسكندرية وأستقبل كل من يسأل عن أحد فى السويس .
*
أخذت مراتى وأبنى ورجعت
سمك ما يخرجش من بحر السويس .
إحنا كده!!
*
محمد علي ابراهيم
فدائي من السويس
