تحدثت الفنانة ياسمين صبري خلال جلسة حوارية على هامش مهرجان البحر الأحمر السينمائي الدولي، عن الكثير من الموضوعات مثل رأيها في المنصات الرقمية والأدوار التي تتمنى تقديمها وأعمالها المقبلة.
وعن رأيها في المنصات الرقمية قالت: في ناس في الدلتا والفلاحين والصعيد، ما ينفعش أقول لهم علشان تشترك ادخل على كذا وادفع بالفيزا كارت، أنا عاوزه الجمهور ده عنده تليفزيون، عاوزه أروح له ومش عاوزه أصعبها عليه، وبقلق من المنصات لأن الناس دي مش هتروح لها، وهما شريحة كبيرة جدا في مصر وعلى راسنا، وبالرغم من التطور الشديد جدا للمنصات ولكن لسه فيه أماكن ما عندهاش رفاهية إنه يشترك علشان يتفرج وأنا مش عاوزه أكلف حد، وميزة التلفزيون إن أنت رايح له ببلاش وهتلاقي القهوة فاتحة قناة هوا، وأنا Old Fashion.
وكشفت ياسمين صبري أنها تتمنى تقديم دور شعبي، قائلة: الحاجات اللي بتتعرض عليا A Class، ومملة بالنسبة لي، لكني نفسي أعمل شعبي، والمنتجين يشوفوني في الحتة دي وحتى لو ما شافونيش فأنا برضه هعملها.
كما تحدثت ياسمين صبري عن أعمالها المقبلة، مشيرة إلى أنها ستركز الفترة المقبلة على السينما، وتحضر لفيلم جديد مع بيتر ميمي عن أول سوبر هيرو مصرية، مردفة: الحمدلله أنا أملك ثقة كبيرة في عملي، وكل أعمالي السابقة حققت نجاحا وإيرادات.
وأكدت ياسمين صبري أنها حرصت على أن تثقل نفسها في مجال التمثيل، لافتة إلى أنها ليست ممثلة أفلام مهرجانات وأنها تعتبر نفسها نجمة شباك، كما بينت أنها لا تعتبر أن التمثيل هو أساس حياتها، وأنها ابتعدت عن التمثيل العامين الماضيين وكانت تعمل على تطوير نفسها في مجالات مختلفة، وتتابع علوم الطاقة.
اقرأ أيضا| ياسمين صبري تكشف حقيقة زواجها
