حلت الفنانة فدوى عابد ضيفة في برنامج "الستات" المذاع على شاشة قناة النهار، الذي تقدمه الإعلاميتين مفيدة شيحة وسهير جودة.
اقرأ ايضا|تشابه كبير يجمع «ريهام الشنواني» و«فدوي عابد» | صور
وكشفت فدوي عابد عن تجربتها مع ارتداء الحجاب، وسبب ارتدائها له ومن ثم خلعه، فصرحت أنها ارتدت الحجاب شهرًا واحدًا حينما كانت في الكلية، لاعتقادها أنه سيحميها من التحرش ونظرة الرجل لها.
وقالت فدوى عابد: "اتحجبت شهر وكانت تجربة في أيام الجامعة، لأني كنت غضبانة وكنت بقول يمكن أنا اللي غلطانة أن الرجالة بتبص لي بشكل معين، فقررت هلبس واسع وطويل يمكن ساعتها ما يشفونيش، فقررت ألبسه كنوع من الحماية لحد ما كنت في الجامعة في عز الظهر في رمضان وكنت واقفة جنب كشك كلنا بنقف فيه، وواحد معدي مد إيده روحت قعدت في البيت أسبوع وبعدين قررت أني أخلعه وعرفت أن مش بيحوق فيهم”.
وتابعت: “أنا كنت لابساه عن غير اقتناع لمجرد حماية، ولما خلعته قلت خلاص هشوف طريق تاني زي العنف، والموقف ده خلاني طول الوقت اقرأ الراجل أسرع ومش سهل اللي قدامي يتعدى حدوده معايا أو يتحرش بيا، وهما بيصطادوا اللي هيتحرشوا بيهم وبيكونوا عارفين اللي هيسكتوا”.
كما كشفت فدوى عابد عن تجاربها مع التحرش حيث قالت: “تجاربي مع التحرش كثيرة أوي عشر مرات وبدأت وأنا مراهقة، وأول مرة كانت في تاكسي وكنت في ثانوية عامة، وكنت خايفة بشكل رهيب، وطلعت لماما منهارة لأني ما كنتش فاهمة، وخدت وقت طويل علشان أفهم إني مش لازم أسكت ولازم أفضح المتحرش، وإني مش غلطانة في حاجة، ومش سهل لأي بنت تتعرض للتحرش أنها تاخد موقف”.
أعلنت فدوى عزمها على الرد بالضرب على من تعرّضت للتحرش، حيث أكدت أن الغضب دفعها للكشف عن تلك التجارب، وقالت: "لا أستطيع الصمت بعد الآن، فقد قمت بالرد بالضرب مرة واحدة، ولم يكن سهلاً اتخاذ هذا القرار بسبب قوة الرجل جسمانياً، وأنا مسرورة لرؤية جيلنا يشجع الأجيال القادمة على التحدث عن التحرش وتسليط الضوء على هذا الموضوع للنقاش العام".
