كل عيون العالم عميت
كل قلوب العالم ماتت
كل ضمير للحق اتخبى
حتي النخوه علينا مافاتت
يمكن ماتت.!!!..
...يمكن جبن الخوف كتفهم
يمكن عافت!!! .
..ولا اتباعت
غول لفلفهم
كل الحق بقى ميحقش
والإنصاف ودعنا محبش
ينطق ويقول حرف يمين
شاطر يكدب
كدب محبش
احنا ف عالم غير العالم
تاه الجاني
خلى الحق طمع واماني
اقتل دمر
هد وزمر.
وادبح طفل تعيس من صغره
بس ده كان في القلب معمر
حب ترابه وحب حيطانها
صوره وطنه عايشه في قلبه
عايش كل حياته يصونها
حلم أمانه جوه ف قلبه
حافظ شايل أرضه في عينه
لكن العالم عينه محوله
خلى الحق بيبعد ولي
كلمته تطلع منه رمادي
فيها القهر وعهر وذله
كل أماني المقهور خايبه
صبح العالم أحبال دايبه
صوتهم عالي بس نشاذ
عار وشنار بيزيد ف النيبه
وده ليهم أكبر إنجاز
لسه ولدنا صالب طوله
لسه كلامه قوي ومفعوله
كاتم كل همومه ف صدره
إيده العاليه والقول قوله
والله بكره لترجع دارك
حيطته ف حيطك يقعد جارك
واخد تارك
يحميك يابني ويعلي ف شانك
والله فارقني النوم علشانك
ترفع رايه العزه ف غزه
مترك.. يبقي غدا فدانك
