المشهد التاني
وانت بتكتب وطن اتكى ع التفاصيل
هات له حروف تفصيل
واياك من الشدة
استجدع التشكيل
مد الأمل مدة ..
واستبعد الكسرة
وانت بتكتب وطن
خد بالولد بصرة
وادى الزمن لو فات
وعد بسوار كسرى
وان كنت وسط النار
أوصيك تجيب أسرى
والروح إذا بلغت من قلبك الحلقوم
شد العزيمة وقوم......
فى ساعة العسرة
معنى الحياة بيبان
وانت بترسم وطن ..
استحسن الألوان
اعمل إطار اخضر
وارسم شجر وطيور....
عود عنينا النور
استحلف الشمس تقعد وسطنا حبه
قول للقمر يهدا...ويكون طويل البال
ويانا لسه آمال محتاجه تتربى
فينا خصال شابه عاوزة تخش حياه
وانت بتبنى الوطن...إفرد لحد الآه
آخرك حدود الله ولغاية السدرة
ومن الجنوب القيامة لغاية العدرا
ماتت قلوب نادرة...
كان فيها أقصى صلاة
كل الرسل شاهدين
تارك فى رقبة مين ؟
..دا سؤال مهوش وقته
هات اللي دبأته كل الغضب مطلوب
احنا بنبنى الوطن فوق الوجع بقلوب
كتب التاريخ الحكاية بس بالمقلوب
تعالوا شوفوا التاريخ ان كنتوا صدقتوا
لساها غزة زكاة الحلم وصدقته
هى الميزان والعمل والنية والمكتوب
وهتبقي غزة مداد الحق وورقته
وبكره التاريخ هيقول
