حل المنتج جمال العدل ضيفًا على برامج "حبر سري" الذي تقدمه الإعلامية أسما إبراهيم، علي قناة "القاهرة والناس".
وتحدث العدل، خلال اللقاء عن حقيقة خلافه مع الفنانة نيللي كريم، وخلافه مع الفنانة يسرا والفنان محمد هنيدي، بجانب كشفه آرائه الشخصية في بعض الفنانيين.
أبرز تصريحات المنتج جمال العدل
- ماتخنقناش أنا ونيللي كريم، الفترة اللي فاتت، وأعتبرها ومحمد هنيدي من مؤسسي العدل جروب، والعلاقة بينا تعدت علاقة الشغل وبقينا إخوات وأصحاب.
- كان المفروض أن نيللي تعمل مسلسل واحة الغروب وبعدين عملته منة شلبي.
- عمري ما كان في بيني وبين ممثل عقد احتكار، ويسرا بتمثل من غير عقد.
- هند صبري بتنتج لنفسها علشان تقدم أدوار نفسها تعملها، وهي أشطر ممثلة جت مصر من الجيل الجديد.
- إحنا في وقت مشابه لأيام ما عملنا فيلم صعيدي في الجامعة الأمريكية، وهمام في أمستردام.
- أبطالنا الموجودين حاليا حلوين جدا، لكن 4 أو 5 أفراد ما يقدروش يشيلوا السينما المصرية كلها.
- أحمد السقا حاليًا مشغول بتصوير مسلسل في لبنان، وماضي فيلمين أو 3 أفلام، وأحمد عز وكريم عبد العزيز وأحمد حلمي نفس الموضوع.
- المفروض محمد هنيدي يتعب على نفسه شوية عشان يعمل حاجات أحسن من كده، لأن هو جر جيل كامل ولسه عنده اللي يقدمه.
- هنيدي بيعمل الجزء التاني من أرض النفاق من غيري، للأسف وهو حقه قانونًا، لكن فيه حق أدبي وحق مادي، وأنا ليا الحق الأدبي، وفي رأيي أنه مش هينجح.
- عبلة كامل زارتنا في الشركة من سنوات وشعرت وقتها أنها لن تمثل مرة أخرى.
- عبلة كامل مقالتش مش هتمثل، وعمرها ما قالت الفن حرام، وآخر أعمالها كانت محجبة وهي فنانة خاصة جدًا ومفيش شبه لها.
- يسرا في جنب ومصر كلها على جنب، كل الناس تزعل إلا يسرا.
- رهان كريم عبد العزيز كسبان طول الوقت، وهو أنضج وألطف واحد في كل الجيل، وأتمنى أعمل حاجة معاه.
