يا حلوة يا اللي فستانك
نقش لونه بألوانك
ورب الكون في أحضانك
طرح خيره لسكانك
وانا عاشق ..
وفلاحك
عشق أرضه وداب فيها
ولو ظالم قوي جبار
ما يقدر يوم يخطيها
وانا عاشق مكن داير
وقدامه شباب واعي
شباب راقي ومتعلم
وفكره فكر إبداعي
وعاشق جندك الأبطال
بأرواحهم بيحموكي
أسود كاسرة فدا الأوطان
يبيدوا من طمع فيكي
يا حلوه عند كل صلاه
يقوم نيلك يوضيكي
تنادي انتي ببسم الله
ملايينك تلبيكي
يبيعوا الدنيا وتعيشي
يغنوا معاكي ألحانك
يحلوه يا اللي فستانك
نقش لونه بألوانك
ورب الكون ف أحضانك
طرح خيره لسكانك
