صرح الفنان محمد فهيم عن رأيه في أزمة الفنان بيومي فؤاد ، والفنان محمد سلام ، بعد اعتذار الأخير عن عروض مسرحية « زواج اصطناعي» بطولة الأول في السعودية ، وتصريحات بيومي التي أثارت جدلا واسعاً.
وقال فهيم خلال تصريحات تلفزيونية: «والله الاتنين إخواتي وحبايبي، وبيومي أخونا الكبير، أنا شايف إن هم لهونا في العالم الافتراضي، وسابوا لنفسهم أن هما يحققو نجاحات على أرض الواقع».
وتابع: «فيه ناس بتستغل اختلاف وجهات النظر، وتحوله لخلاف كبير وتدعم وتدينا حقن يبقى بينا خلاف ، ويبقى بينا فتنة ونتفرق». واستكمل: «مفيش حاجة اسمها تقول إن القضية الفلسطينية في حد مع أو ضد لأنها محسومة ، كل المصريين والعالم العربي مع القضية مفيش خلاف ، لذلك قولت ميلهوناش ويودونا للمنطقة دي ، لأن في حقن بتدخل إنها تقول إحنا مع أو ضد القضية ، مفيش حاجة اسمها كده لأنها محسومة».
وهاجم الفنان بيومي فؤاد زميله محمد سلام ، في نهاية عرض مسرحية « زواج اصطناعي » بموسم الرياض . وقال بيومي فؤاد : « من حقك أنك تعتذر عن المسرحية لكن مش من حقك أنك تغلط في فنك ، إحنا مبنجيش علشان نضحك حضراتكم إحنا بنقدم فننا المصري إنتوا بتحترمونا وإحنا بنحترمكم جدا شيء عظيم أني أخرج أتصور مع شاب سعودي ومع سيدة سعودية وهي تعلم أني مصري . أنا بشرف بلدي » .
وأضاف : « أنا فنان مصري وليا الشرف جيت المملكة العربية السعودية وليا الشرف عشان نقدم فننا » .
