أعرب المطرب ويجز عن غضبه واستيائه أفعال الاحتلال الصهيوني مع شعب غزة من قتل الأطفال والسيدات والرجال بأبشع الطرق، وقصف المباني والمستشفيات والمساجد والكنائس، وذلك عبر صفحته الشخصية على موقع تبادل الصور والفيديوهات "إنستجرام".
وكتب ويجز على صفحته الشخصية عبر خاصية "استوري": "الاحتلال لن يقدر على الرياح، وكل ما يتسعر بتزيد فرصة إنه يعض ديله، كل شيء يكرهك ويتمنى زوالك من الوجود يا معتدي، وهو ما سيحدث بدون ذرة شك قريبا".
يذكر أن حل المطرب ويجز ضيفًا على إحدى البرامج التلفزيونية، وتحدث ويجز خلال اللقاء عن حملات المقاطعة للمنتجات والمحلات التجارية التي تدعم الاحتلال الإسرائيلي.
وقال ويجز: أنا من أوائل المطبقين للمقاطعة، أنا عمري ما هاكل ولا هشرب أي شيء له علاقة بهذا الكيان، لأن في الأول والآخر أنا فلوسي اللي بنت الإمبراطورية دي، وفلوسك بتتبعت علشان تشارك في حرب غير عادلة وغير آدمية، كل أشكال التعاطف مع الشعب الفلسطيني مش كفاية.
وأردف: بقت أمريكا بتحارب الإرهاب طيب فين الإرهاب؟ العيال اللي عندها 6 سنين وسنتين في الفيديوهات دي محدش بيتحرك، وبتكلمني عن المجتمع الدولي فين المجتمع المصري؟ أنا أصلا حياتي كبني آدم مصري دلوقتي مش نفس القيمة، أنا دلوقتي فهمت هي نفس العنصرية والطبقية والشكل اللي بيتبص لينا بيه أن دي شعوب تعبانة معندهاش القوة الكافية، يعني لو أنت معندكش حجم الجيش الإسرائيلي والأمريكاني متطلبش حقك.
وأضاف ويجز: الفلسطيني كان بيروح لبنان والطيارات الإسرائيلية كانت بتيجي تضربه في مخيمات اللاجئين، وبيموت منه 3000 في نفس اليوم ولا حاجة بتحصل، ليه دلوقتي الناس بتتكلم على الحريات؟
اقرأ أيضا | «ويجز» يخصص جزءًا من أرباح جولته الغنائية المقبلة لصالح فلسطين| شاهد
