كشف الدكتور مدحت العدل سبب تأجيل النسخة الجديدة من أوبريت "الحلم العربي" التي كان من المقرر تقديمها يوم 29 أكتوبر الماضي.
وقال في تصريحات إعلامية: "تم تأجيل الأوبريت لاعتبارات ليها علاقة بالأوبرا وبرنامجها ولأني دعيت فنانين كتير يجوا يغنوا واتفقت مع ممثلين منهم الفنانة يسرا وحسين فهمي وليلى علوي، وأنا عايز المطربين كمان اللي هيغنوا، حصل لخبطة وأنا كنت في مهرجان الشارقة ومش عارف أتابع فتم التأجيل".
وتابع مدحت العدل متحدثا عن الأوبريت: "هو مكنش مجرد أغنية هيبقى تبرع على الهواء وكذا قناة عربية بتبث في نفس التوقيت هنجمع تبرعات على حساب بنكي وهيبقى في تبرع بالدم في نفس التوقيت، إحنا شغلانتنا نصحي الوجدان، أنا ضد إلغاء أي تظاهرة فنية الحياة لا بد أن تستمر والعالم بيحترم بالفن، الناس بتعتبر أن لو عملنا مهرجان مش مهتم بالقضية ليه؟".
وكان مدحت العدل كشف أنه سيجري بعض التعديلات على الأوبريت قائلا: "اعتقد هشيل جزء منه مش هيبقى نفس الطول هو 17 دقيقة هختصر منه، هيبقى فيه شوية تغييرات تلائم روح العصر والإيقاع الموجود وإن شاء الله يكون ليه نفس التأثير".
وأوبريت "الحلم العربي" تأليف مدحت العدل وألحان صلاح الشرنوبي وحلمي بكر، توزيع حميد الشاعري، وشارك فيه أصالة نصري ونبيل شعيل ووليد توفيق وحميد الشاعري وإيهاب توفيق وديانا حداد وغيرهم من التنجوم، إنتاج 1998.
