كشفت منصة الصحة العالمية للصحة النفسية والتي اطلقت بالتعاون مع وزارة الصحة والسكان عدد من الحقائق الهامة حول تمارين للتنفس تساعد الشخص علي الهدوء من التوتر والقلق وذلك تزامنا مع اليوم العالمي للصحة النفسية
وقالت المنصة في منشور لها ان تمارين التنفس هي تمارين تتم عن طريق تنظيم التنفس مع محاولة توجيه إنتباهنا للتنفس.
وأوضحت ان الهدف منها هو التهدئة و إعطاء شعور بالاسترخاء ،وان تمارين التنفس من مميزاتها إنها لا متحتاج من الشخص أدوات خاصة و إنها مناسبة لكل الاعمار.
اقرأ أيضاً .. افتتاح عيادتي الصرع والغدد الصماء بأطفال الأنفوشي
ولفتت ان المراهقين بالاخص ممكن بيستفيدوا منها في التعامل مع مشاعر القلق و إدارة الغضب و بتساعدنا نحكم على الامور بشكل أفضل و ناخد قرارات فعالة أكتر.
محتاج إيه عشان أعمل التمرين؟
مش محتاج حاجة غيرمكان هادي لا يقاطعك احد لمدة دقيقة. .والمكان مش لازم يبقا في البيت، أي مكان ممكن يكون مناسب ما دام هادي.
وشملت النصائح : لكي نستفيد أقصى استفادة من تمارين التنفس،محتاجين نمارس التمارين بانتظام حتي يستحضرها العقل بشكل تلقائي في أوقات الازمات و الضغط
ماهي خطوات تمارين التنفس ؟
.أقعد في وضع مريح، ظهرك مفرود و أقدام رجلك على الارض.
.غمض عينك ببطء، خد نفس عميق من مناخيرك. و أنت بتاخد النفس حاول تركز إنتباهك و تلاحظ الهوا و هو بيملى رئتك و صدرك. لاحظ دخول الهوا لبطنك.
-لما تحس إن رئتك إتملت، إكتم نفسك و احتفظ بالنفس جواهم.
-ركز انتباهك على الاحساس اللي في رئتك و هي مليانة بالهوا.
.ببطء، خرج النفس من بقك. و أنت بتخرج النفس لاحظ رئتك و هي بتفضا من الهوا و ركز انتباهك عليها.
-كرر الخطوات اللي فاتت مرتين كمان.
ممكن تكرر التمرين تاني لو شعور التوتر لسه موجود.
للدخول على المنصة من هنا
