حل الفنان أحمد حلمي ضيفا في برنامج "ABtalks" الذي يقدمه الإعلامي أنس بوخش عبر قناته الشهيرة "يوتيوب".
وتحدتث أحمد حلمي عن سبب غيابه عن تقديم الأعمال الفنية خلال الفترة الأخيرة قائلا: "ما أكثر الأفلام الخفيفة وهذا لا يعيبها، ولكني أبحث عن عمل جديد مختلف يلقى قبولًا من الجمهور، لذلك أنا غائب عن المشهد الفني منذ فترة لأنني لم أجد فيما أرغب في عمله".
وتابع "حلمي": "أنا عايز أروح لحاجة مش الناس تقول عليها تقيلة لكن نفسي أبقى مبسوط وفرحان أوي بعملها، حاجة بتؤرقك نفسك تتكلم عنها شايفة آفة في المجتمع نفسك توصلها وتغيرها، ولو الوقت بيروح والدنيا زنقت هجيب عمل خفيف ورسالته الناس تضحك وتنبسط وهعمله".
واستكمل حديثه: "في أوقات كنت بحب الشهرة خاصة بداية حياتي ولما الناس عرفتني في الشارع وبيتفاعلوا معايا، بس ما بقتش أهتم بيها أكتر ما بحب أعمل عمل فني كويس يبسطني ويبسط الناس، والشهرة خدت مني حاجات لها علاقة بحريتي".
وأضاف أحمد حلمي: "علشان كنت في الحضيض، عمري ما كنت أحلم أو أتخيل في يوم من الأيام يكون معايا فلوس، ولا تخيلت إني انجح في ثانوية عامة والحمد لله نجحت، عمري ما حلمت يكون معايا فلوس وبقى معايا فلوس، ولا كنت أحلم بالشهرة وبعدين وصلت للشهرة والفلوس مش أهم حاجة في حياتي".
اقرأ أيضا | ديسمبرالمقبل.. بدء تصوير أول عمل سينمائي يجمع أحمد حلمي و منى زكي
