تحدثت هنا الزاهد، عن تفاصيل في حياتها الشخصية وعلاقتها بزوجها الفنان أحمد فهمي، مؤكدة أنه أجبرها على أن تكون أهلاوية بدلًا من كونها زملكاوية، وذلك خلال استضافتها في برنامج "الحكاية" الذي يقدمه الإعلامي "عمرو أديب" عبر شاشة MBC مصر.
وقالت هنا الزاهد: "بقيت أهلاوية عادي وبعدين مبقتش أشجع، أحمد فهمي جوزي قال لي مينفعش تشجعي الزمالك".
وأضافت: "أحمد فهمي في الأول قال لي مينفعش قدام الناس تقولي إنك زملكاوية وقولي أهلاوية أصل هو أهلاوي وبيحب الأهلي جدا وأنا مليش في الكورة، وبعدين مشيت أموري وقلت له خلاص أهلاوية، بس الحكاية إنه ضغط عليا علشان يخلّيني أبقى من زملكاوية لأهلاوية".
وعلق عمرو أديب: "يا هنا عايزك ترجعي تاني لمدرجات الزمالك، وقولي لأحمد أننا سنظل أوفياء، والزمالك راجع تاني السنة دي بقوة والبطولات لينا"، لتعقب الفنانة: "حاضر، أنا جاية لك بالأبيض أهو".
وعن فترة مرضها خلال شهر العسل، قالت: "لما تعبت في شهر العسل كانت فترة وحشة، ومرضي استمر شهور، ولما رجعت مصر وزني وصل 44 كيلو".
وتابعت: "مفيش حد شافني خلال المرض، وإتخانقت مع أحمد لما صورني وأنا تعبانة في المستشفى".
وعن سبب استيائها من قيام زوجها الفنان أحمد فهمي بتصويرها قالت: "الصورة هتفضل طول حياتي موجودة على السوشيال ميديا، وهو صورني علشان يقول للناس إننا مش مبسوطين وأنا تعبانة".
اقرأ أيضا | بإطلالة صيفية وفستان مشجر .. أحدث ظهور لـ«هنا الزاهد»| صور
