شاركت الفنانة لقاء سويدان جمهورها ومتابعيها، مقطع فيديو تحدثت فيه عن الهجوم عليها وانتقادها في العديد من البرامج التلفيزيونية، بعد أزمتها الأخيرة مع الفنان ميدو عادل.
وقالت لقاء سويدان: "أنا مش عايزة أرد رغم أني بتهاجم في البرامج لأنهم بيتصلوا بيا وبيقولوا إعملي مداخلة في التليفون وتعالي عشان تردي، هل أنا المفروض أروح برنامج أنا عارفة أن هيبقى في هجوم وهتبقي لو في مشكلة هتكبر ونقعد نتبادل بقى، لو في خلاف بيني وبين زميل مش هطلع اشتم فيه في برنامج دي مش أخلاقي، أنا برفض أطلع في برنامج عارفة إنه هيجرني لخلاف أكبر من اللي موجود فاتشتم معنديش مشكلة ياما في نجوم أكبر مني واتشتموا".
وتابعت: "مش هقول بالظبط إيه اللي حصل أنا هقوله قدام جهات التحقيق الموضوع من 26 أغسطس وأنا مقدمة مذكرة مش عشان حاجات حصلت في حقي أنا بس لكن عشان تجاوزات كتير حصلت، أنا ست متربية في المسرح من وأنا صغيرة واشتغلت مع سعاد حسني وأحمد زكي وأنا عندي 9 سنين سنة 1983 ولكل الناس أنا عندي 49 سنة ومش متضايقة من سني وأه أنا كبيرة الحمد لله بصحتي ومبسوطة أن ربنا مديني صحة وشكل مناسب ليا في السن دا".
واختتمت لقاء سويدان كلامها: "الناس اللي بتدخل تشتم اللجان الإلكترونية أسهل حاجة إني أرد لكن دي مش أخلاقي اللي بيفرق معايا الناس الحقيقة أصحابي اللي بيحبوني وواقفين جنبي".
ونشبت مشادة كلامية بين الفنانة لقاء سويدان والفنان ميدو عادل، في ختام مسرحية سيد درويش، التي قدمت على مسرح البالون، وجاء ذلك بعدما اتهمته الفنانة بسبها والسخرية منها، مما دفعها لـ صفع ميدو وسط أبطال العرض المسرحي، بعد إسدال الستائر.
مسرحية "سيد درويش" من بطولة لقاء سويدان، ميدو عادل، رشا سامى، شريف عبد الوهاب، سيد جبر، محمد عنتر، ماهر عبيد، يوسف عبيد، سعيد البارودى، محمد الشربينى، سمير الجوكر، هالة الصباح، عاطف سعيد، عماد عبد المجيد، سامي عوض الله، جمال ترك، أشرف عبد العزيز، غاده كامل، دعاء الخولى، مجدي عبد العزيز، إسماعيل شعراوى، إمام محمد، فاروق الجندى، ربيع الشاهد، مازن تركى.
