علقت الفنانة حورية فرغلي على أزمتها مع مؤدي المهرجانات حسن شاكوش، بعد أن قالت طليقة الأخير إن شاكوش على علاقة بفتاة ثالث حرف من اسمها راء، وربط الجمهور بين حورية وعلاقتها بشاكوش، وهو ما نفته الفنانة وأكدت أنها ليس لها علاقة بشاكوش، ولم تلتقي به من قبل.
وردت حورية فرغلي عن ربط الجمهور، بين اسمها واسم حسن شاكوش بعد تصريحات ريم طارق، إذ قالت، خلال تصريحات تليفزيونية: "فيه مليون اسم اشمعنى حورية مسكتوا فيه، وأنا عمري ما شفت شاكوش، بس بحب أغانيه، وزعلانة إنه طلق ريم، لو مكانش فيه حب جامد بينهم مكنش هيكون في خناقاتهم، هي بتحبه أوي وغيورة عليه، بس هو مش عايز يبان قدام الناس إنه بتاع ستات".
واختتمت حورية فرغلي: "ريم المفروض كانت تتعلم إزاي تخلي حسن ميبصش لحد غيرها، اللي اسمها سارة دي أنتو سافرتوا مع بعض وخرجتوا مع بعض، فمحبتش اسمي ييجي في حاجة زي دي، أنا زعلت إن الموضوع داخل في حتة الشرف، فلما تقولي اسمي هخرب لكم الدنيا".
